E diel, 17 Janar, 2021
3 C
Tirana

Dyshimet për ndeshjen Bylis-Tirana, FSHF nis hetimet

Referuar ndeshjes së djeshme mes Bylisit dhe Tiranës, bëhet me dije se Federata Shqiptare e Futbollit, nëpërmjet Komisionit të Etikës ka filluar mbledhjen e fakteve dhe të dhënave.

Një ndeshje e cila u mbyll 2-1 për vendasit, por kishte dyshime të mëdha, për mënyrën se si rrodhën ngjarjet në ndeshje. “Estrada e Ballshit” dha dje një shfaqje në një stadium të boshatisur, por që u ndoq nëpërmjet ekraneve të televizionit.

Bylis-Tirana pati elemente të një ndeshje të dyshimtë. Përpos paraqitjes së aktorëve të fushës, rezultati vërtetohet edhe nga lëvizjet e çuditshme të koeficienteve të kompanive të basteve, por edhe të kompanive vendëse që operojnë në mënyrë ilegale.

“Federata Shqiptare e Futbollit njofton median dhe opinionin sportiv, se menjëherë pas përfundimit të ndeshjes Bylis–Tirana (2-1), e vlefshme për gjysmëfinalet e Kupës së Shqipërisë, ka kërkuar informacion nga kompania “Sport Radar” nëpërmjet UEFA-s, për të mësuar nëse ka pasur baste të dyshimta për këtë takim. Federata bën me dije se ka nisur hetimin për këtë çështje, dhe po grumbullon materialet e nevojshme dhe do te ketë vendimarrje, në rast se do të ketë prova.

Gjithashtu, FSHF prej kohësh e ka bërë të qartë qëndrimin e saj të prerë kundër këtij fenomeni tejet të dëmshëm për futbollin, dhe paralajmëron edhe një herë klubet se do të përballen me masa të rrepta dhe sanksione ekstreme, deri në përjashtim nga aktiviteti, në rastet kur akuzat për trukim do të provohen”, lexohet në reagimin e Federatës.

- Reklama -

Më shumë nga kategoria




Të fundit

Karakaçanov: Maqedonia e Veriut, pjesa më tragjike e historisë bullgare

Zëvendëskryeministri i Bullgarisë, Krasimir Karakaçanov ka përjashtuar çdo mundësi që Sofja të heqë dorë nga kërkesat e saj në raport me Maqedoninë e Veriut,...

Foto/ Kërkesa e Rugovës për të hyrë në Shqipëri gjatë kohës së Enver Hoxhës

Ish-presidenti i Kosovës, Ibrahim Rugova kishte bërë kërkesë në prill të vitit 1980 për të hyrë në Shqipëri, ku kishte treguar se qëllimi i...

Inagurimi i Biden/ Mbërrijnë përforcime të reja të Gardës Kombëtare

Një kontigjent i madh trupash të Gardës Kombëtare mbërritën të shtunën në kryeqytetin amerikan, në përgjigje të thirrjes së zyrtarëve të mbrojtjes për të...

Bien testimet, ulet numri i të infektuarve me Covid-19

Covid-19 u ka marrë jetën edhe 7 personave në vendin tonë në 24 orët e fundit. Ministria e Shëndetësisë informon se rastet e vdekjes janë...

Ulja e temperaturave, Ministrja Kushi tregon si do bëhet ajrosja e klasave

Teksa temperaturat në vend janë ulur ndjeshëm, Ministrja e Arsimit, Evis Kushi ka dhënë një njoftim të rëndësishëm për institucionet arsimore. Kushi shprehet se në...