Futboll

Dy yjet e Barcelonës bëhen qesharakë, gjesti i tyre pushton rrjetin (Video)

               Publikuar në : 16:07 - 12/01/19 Enno

Jo pak herë në të kaluarën, futbollistët e Barcelonës janë bërë objekt kritikash për rrëzimet e tyre të ekzagjeruar në fushat e blerta, e simulimet që shpeshherë u jepnin penallti apo faulle të padrejta. Por, nëse më parë ka qenë braziliani Neymar, tashmë i larguar te Paris SG, stafetën duket se e kanë marrë të tjerë.

Busquets dhe Cillessen menduan t’i jepnin disa të qeshura më shumë tifozëve të Barcelonës, në humbjen 2-1 ndaj Levantes për Kupën e Mbretit. Dy futbollistët e skuadrës katalanase ishin protagonistë të një skene, që u kthye shpejt në një video virale në internet.

Në zhvillimet e një goditjeje këndi, Busquets dhe Cillessen, veçse u prekën nga një lojtar kundërshtar, por u rrëzuan përtokë në një aktrim të denjë për çmimet “Oscar”. Të enjten, në stadiumin “Camp Nou” do të zhvillohet ndeshja e kthimit, e jo pak tifozë presin një tjetër perlë të ngjashme.

Kthehu
WhatsApp Denonco ne TT