Operacioni Forca e Ligjit u ka kërkuar plotësimin e formularit të pasurisë dy individëve të tjerë që dyshohet se kanë lidhje me botën e krimit. Një prej personave që i kërkohet deklarimi i pasurisë është Suel Çela në Elbasan, i dënuar për trafikimin e lëndëve narkotike, si dhe Plarent Dervishaj, personazh i njohur i botës së krimit në Durrës.
OFL në ndjekje të të ‘fortëve’: Deklaroni pasuritë brenda 48 orësh
Suel Çela cilësohet si një ndër personat më të rrezikshëm në Elbasan. Ai u akuzua se drejtonte “Audin” e blinduar që goditi policinë. Ndërkohë edhe Plarent Dervishaj që cilësohet si i “forti” Durrësit, i janë bërë disa herë atentate. Plarent Dervishaj është kunati i Lul Berishës.
Dervishaj është i njohur për miqësitë e tij me Lulzim Berishën dhe me Emiljano Shullazin. Vitin e kaluar, Dervishajt iu bë një atentat në zonën e Shkozetit, ku mbeti i plagosur, ngjarje për të cilën nuk u arrestua asnjë person.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së.
