Kreu i partisë socialiste Edi Rama u shpreh i sigurt për votën e gjirokastritëve në 11 maj teksa u tregoi se në 10 vjet janë investuar 331 milion euro e janë realizuar 475 projekte me fokus energjia, infrastruktura e turizmi pa lënë më pas bujqësinë e arsimin.
“Niveli i ekonomisë do të rritet se nga njëra anë turizmi e paketa e maleve do të vazhdojë edhe në jug nuk është vetëm për në veri”, tha Rama.
Kryeministri i vendit u premtoi gjirokastritëve ndërtimin e aeroportit të Gjirokastrës.
“Tani më është shumë e qartë, si dhe pse deri në fund të kësaj dekade niveli i ekonomisë vendore në këtë qark do të rritet në mënyrë te ndjeshme sepse nga njëra anë turizmi, zhvillimi i agroturizmit, agropërpunimi që do të ketë mbështetje të veçantë, paketa e maleve, do i japë një dorë shumë të mirë sidomos zonave të thella, dhe aeroporti i Gjirokastrës që është funksional për aktivitetet sportive për fluturime sportive, ka rezultar që të jetë pika më ideale për të bërë aeroportin turistik të jugut”, u shpreh Rama.
