Kryesore

‘Djegia e Kuvendit’/ Meta: S’kam thënë asnjëherë gënjeshtra!

               Publikuar në : 17:37 - 11/09/19 M. S

Presidenti Ilir Meta, nga selia e Presidencës ka folur për takimin që ka patur me anëtarët e Komisionit të Venecias, dhe shtoi se kishte patur një takim të mirë. Ai konfirmoi se bashkëpunimi i Presidentit të Republikës me Komisionin e Venecias do të jetë i shkëlqyer.

“Bashkëpunimi i Presidentit të Republikës me Komisionin e Venecias do të jetë i shkëlqyer. Duke nisur nga dita e hënë, do të keni dokumente për misionin e “Venecias” në Tiranë, do jenë dokumente në shqip dhe anglisht që do ndihmojnë këtë çështje. Kemi të bëjmë me një çështje shumë të rëndësishme, dhe kemi të bëjmë më një kauz në fushën e së drejtës. Gjithçka do të jetë në dispozicionin tuaj, dhe mbarë opinionit publik”.

Kreu i Shtetit ka folur dhe njëherë për skenarët për djegien e Kuvendit. Meta tha se ka pasur informacione të plota, dhe nuk kishte pse të gënjente, pasi sipas tij, ai kurrë nuk ka thënë asnjë gënjeshtër.

Keni tronditur opinionin publik për djegien e Kuvendit. A mundet Presidenti të japë më shumë informacion, se kush ishin ata që do digjnin Kuvendin?

“Kjo është e vërtetë, unë nuk kam thënë asnjë herë ndonjë gënjeshtër. Nuk mund të them diçka më shumë në respekt të ligjit. Komisioni ka të gjitha mundësitë që të njihen me atë informacion.

Nuk besoj se kjo gjë ka ndodhur para 100 vitesh, ndoshta se kemi bërë pushime dhe na duket sikur situata ka qenë shumë e thjeshtë, dhe e qetë. Ajo që mund të them është se në këtë dokument do të jepen të gjitha momentet e atyre ditëve. Do shikoni që ka qenë një situatë shumë e çmendur, dhe këtë gjë e ka treguar dhe raporti i OSBE-së”.

 

 

 

 

 

 

 

 

 

 

 

 

 

 

 

 

 

 

 

 

 

Kthehu
WhatsApp Denonco ne TT