Nuk kanë qënë të paktat rastet, kur Selena Gomez është shtruar në spital, pas trysnisë mediatike dhe jo vetëm. Mediat e huaja shkruajnë se këngëtarja e njëkohësisht aktorja, pas një krize të fortë paniku është shtruar në një institucion psikiatrik.
Ajo ndodhet në një institucion psikiatrik, diku në Bregun Lindor Amerikan. Mësohet se po trajtohet me Terapinë e Sjelljes Dialektale, një trajtim i vlefshëm për një sërë çrregullimesh mendore.
Selena u vizitua për herë të parë javën e parë të shtatorit. Ajo ishte “e rrënuar dhe e pashpresë nga numri i ulët i qelizave të bardha në gjak, pas transplantit të veshkës”. Ndaj ajo përjetoi një krizë të fortë paniku.
TMZ raporton se Selena donte të largohej nga spitali, dhe përjetoi një tjetër krizë kur i thanë se nuk mund ta linin të shkonte.