Digjet “Audi” i 23-vjeçares në Vlorë

Një automjet është djegur në mesnatë në qytetin e Vlorës. Ngjarja ka ndodhur në lagjen “24 Maji”, ku është djegur plotësisht automjeti “Audi”, në pronësi të shtetases E. H. 23 vjeçe.

Nuk dihet nëse bëhet fjalë për një zjarrvënie të qëllimshme, apo nëse është një ngjarje aksidentale.

“Më datë 18.11.2020, rreth orës 00:45, në lagjen “24 Maji”, Vlorë, ka rënë zjarr dhe është djegur plotësisht automjeti i markës “Audi”, në pronësi të shtetases E. H., 23 vjeçe, banuese në Vlorë”, bën me dije policia.