Specialistët për Hetimin e Krimeve në Komisariatin e Policisë Nr. 2 kanë shpallur në kërkim shtetasin S. C., 38 vjeç, banues në Tiranë, pas një ngjarjeje të ndodhur më 25 prill 2025, rreth orës 13:00, në rrugën “Artan Lenja”.
Sipas hetimeve paraprake, 38-vjeçari dyshohet se ka goditur me sende të forta shtetasen R. H., 37 vjeçe, punonjëse e OSHEE-së, e cila ndodhej në ambientet e lokalit të tij për të kryer kontrollin e sahatit të energjisë elektrike.
Si pasojë e sulmit, R. H. është dëmtuar dhe ndodhet në spital, nën kujdesin e mjekëve.
Policia vijon punën për kapjen e autorit, ndërsa materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
