Gazetaria momentalisht po përballet me shumë sfida dhe padrejtësi në profesion në etikën dhe përgjegjësin sociale. Kështu kanë vlerësuar shefat e delegacionit të BE-së dhe Misionit të OSBE-së në Shkup, gjatë konferencës kombëtare “Vetë rregullimi në media dhe sfidat etike në media”. Sipas tyre, interneti dhe teknologjitë e tjera digjitale kanë krijuar mënyra të reja se si të publikohen lajme të rrejshme, të pavërteta, dhe spine.
“Këshilli i etikës ka përgjegjësi që vazhdimisht ti rikujtoj; mediat dhe gazetarët për etikën profesionale, është e lidhur me parimet të cilat e mbrojnë jo vetëm profesionin dhe anëtarët e saj, por edhe demokracinë në konceptin e saj më të gjërë”, ka deklaruar Samuel Zhbogar, Ambasador i BE-së.
“Misioni i OSBE-së fuqishëm beson se vetërregullimi është një proces shumë i nevojshëm e cila i mbron standardet profesionale dhe etike në gazetari dhe njëkohësisht duke siguruar servis efikas për ankesa drejt qytetarëve”, u shpreh Nina Suomalainen, Shefja e OSBE-së.
Ndërkohë, anëtari i Komisionit për Ankesa, Sefer Tahiri, tha se, në Maqedoni kohëve të fundit ka pasur një degradim të skajshëm të respektimit të standardeve profesionale dhe normave etike në gazetarinë në Maqedoni, sidomos nga disa media të cilat janë vënë në shërbim të pushtetit dhe nuk kanë respektuar standardet.
“Konstatojmë se është e nevojshme që të bëhet një reformë institucionale, legjislative dhe një reformë e përgjithshme e sektorit mediatik që do ta sjell në binar normal sektorin mediatik dhe gazetarinë në përgjithësi dhe do ta orientoj gazetarinë në atë sektor, i cili do t’i shërbejë qytetarit, do t’i shërbejë informimit të drejtë, informimit objektiv dhe të balancuar”, tha Sefer Tahiri, Anëtar i Komisionit për Ankesa.
Tahiri ka shtuar se sistemi mediatik është buzë greminës dhe nuk respektohen standardet më minimale.
Kjo konferencë u organizua me ndihmën e projektit Reformedia ndërkohë, projekti financohet nga Bashkimi Evropian./ Shenja.TV/
