E hënë, 6 Dhjetor, 2021
11.5 C
Tirana

Detajet tronditëse të atentatit në Fier, ja kush është Demir Backa

Mbrëmjen e së shtunës, një atentat tronditi qytetin e Fierit. 57-vjeçari Demir Backa, babai i dy fëmijëve, u qëllua brenda makinës së tij “Audi” nga një automjet në lëvizje, në afërsi të një qendre tregtare. Backa është dërguar në Spitalin e Fierit me shenja jete, por si pasojë e plagëve të marra, ka ndërruar jetë.

Ja çfarë njoftonte policia

“Sot rreth orës 20:40, në vendin e quajtur “Rrethrrotullimi i QTU-së”, dyshohet se nga një automjet tip “Benz” është qëlluar me armë zjarri shtetasi D. B. 57 vjeç, i cili ishte brenda automjetit të tij tip “Audi” dhe si pasojë e plagëve të marra ka ndërruar jetë në spitalin e Fierit. Menjëherë shërbimet e Komisariatit të Policisë Fier, Forca e Posaçme “Shqiponja” dhe 2 grupe të FNSH kanë shkuar në vendngjarje dhe po krehin zonën për kapjen e autorit. Ndërkohë janë ngritur disa pika kontrolli në hyrje dhe dalje të qytetit të Fierit. Në fshatin Daullas është gjetur e djegur një makinë tip “Benz”, e cila dyshohet se është e autorëve të ngjarjes. Grupi hetimor nën drejtimin e Prokurorisë ndodhet në vendngjarje, dhe po punon për identifikimin dhe kapjen e autorit/ve”, thuhej në njoftimin paraprak të policisë.

Policia po heton në disa pista

Shkaqet e këtij atentati mbeten ende të paqarta por policia po heton në disa pista. Demir Backa nuk ka pasur precedentë penalë, por një konflikt me një person subjekt të Operacionit Forca e Ligjit dhe prishja e ekuilibrave mund të jetë një nga shkaqet e atentatit. Por duke qenë që viktima është një biznesmen i njohur në qytetin e Fierit, pronar i disa lokaleve, një ndër ta lokal “Piazza” në qendër të Fierit, nuk përjashtohet as vrasja për shkak të problemeve në biznes.

15 persona të shoqëruar nga policia

Tre plumba në zonën e qafës dhe kokës dhe rreth 15 të tjerë në kraharor i kanë marrë jetën 57-vjeçarit Demir Backa, i cili mbeti i vrarë në atentatin e së shtunës në mbrëmje në Fier. Policia ka shoqëruar deri tani 15 persona, të cilët janë marrë në pyetje mbi ngjarjen, pasi kanë parë atë ç’ka ka ndodhur.

Vrasjen mund ta kenë kryer 3 persona

Burime policore bëjnë me dije se në atentat mund të kenë qenë 3 persona të paguar, për të kryer krimin. Pistat e hetimit mbeten dy, ndonjë konflikt mbi pasuritë e shumta të 57-vjeçarit dhe sherri familjar i dy viteve më parë. Po sipas burimeve, këtë sherr viktima e ka pasur me një person të botës së krimit në Fier, ndaj ka dyshime të forta se ai mund të ketë paguar për të vrarë Demir Backën.

- Reklama -

Më shumë nga kategoria




Të fundit

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...