Kronikë

Detajet/ Tentoi të kalonte rrugën, makina përplas 54-vjeçaren nga Mirëdita

               Publikuar në : 08:31 - 16/08/19 Enno

Një aksident i rëndë ka ndodhur mëngjesin e sotëm në superstradën Lezhë-Tiranë, ku një mjet ka përplasur për vdekje një këmbësore.

Mësohet se ngjarja ka ndodhur në orën 07:15, në afërsi të vendit të quajtur ” Mbikalimi i Patokut”, ku mjeti tip Volkswagen me drejtues shtetasin H.A. banues në Kosovë ka aksidentuar këmbësoren e cila ka qenë duke tentuar të kalojë në anën tjetër të rrugës.

Shtetasja A.M., 54-vjeç nga Mirëdita është nisur menjëherë për në spital por ka ndërruar jetë gjatë rrugës. Ndërkohë, drejtuesi i mjetit është shoqëruar në ambientet e Policisë për veprime të mëtejshme hetimore procedurale.

Njoftimi i policisë

Sot, rreth orës 07:15, në superstraden Lezhë – Tiranë, në afërsi të vendit të quajtur ” Mbikalimi i Patokut”, mjeti tip Volksëagen me drejtues shtetasin H.A. banues në Kosovë, ka aksidentuar shtetasen këmbësore A.M. vjeçe 54, banuese në Mirditë e cila ka ndërruar jetë rrugës për në spital.

Shtetasja A.M., në momentin e aksidentit, ka qenë duke tentuar të kalojë në anën tjetër të rrugës, përmes superstrades.

Drejtuesi i mjetit është shoqëruar në ambientet e Policisë për veprime të mëtejshme hetimore procedurale.

Grupi hetimor vazhdon veprimet hetimore në vendngjarje për zbardhjen e plotë të rrethanave të aksidentit.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT