Kronikë

Detajet/Mjeku i Urgjencës bëhet për spital, reagon ashpër QSUT

               Publikuar në : 10:14 - 11/02/19 marsela

Drejtoria e Qendrës Spitalore Universitare “Nënë Tereza”, ka reaguar ashpër pas dhunimit të një mjeku në krye të detyrës. Drejtoria e QSUT ka dënuar aktin e dhunës nga një person, të cilin e cilësojnë të papërgjegjshëm, kundrejt mjekut të rojes në Urgjencën e Spitalit Infektiv.

Në reagimin në fjalë bëhet me dije se ky nuk është një rast i izoluar, por është rast i përsëritur, ku mjekë dhe infermierë dhunohen në krye të detyrës.

Drejtoria e QSUT apelon ndaj organeve kompetente, të zbardhin ngjarjen dhe autori të marrë dënimin e merituar.

Reagimi 

“Drejtoria e Qendrës Spitalore Universitare “Nënë Tereza”, dënon rëndë aktin e dhunës së ushtruar nga një person i papërgjegjshëm, kundrejt mjekut të rojes në Urgjencën e Spitalit Infektiv.

Çdo akt dhune e agresioni ndaj mjekëve dhe personelit shëndetësor në tërësi përgjatë ushtrimit të detyrës së tyre është i papranueshëm, bazuar në normat ligjore, etike, morale.

Çdo akt dhune ndaj bluzave të bardha është i papranueshëm, duhet të trajtohet me seriozitet nga organet kompetente. Fatkeqësisht ky nuk është një rast i izoluar, por është rast i përsëritur, që mjekë dhe infermierë të spitalit tonë dhunohen në krye të detyrës.

Drejtoria e QSUT edhe një herë dënon aktin e dhunës të ushtruar mbrëmë ndaj mjekut infeksionist, dhe u bën thirrje organeve kompetente të zbardhin ngjarjen, dhe autori të marrë dënimin e merituar.

Një apel të fortë i bëjmë opinionit publik, të mirëkuptojnë dhe përkrahin bluzat e bardha gjatë punës së tyre, të cilët pavarësisht situatave të krijuara, në asnjë rast nuk neglizhojnë misionin human, atë të dhënies së ndihmës së parë dhe shpëtimin e jetëve njerëzore”.

Kthehu
WhatsApp Denonco ne TT