Kronikë

Detaje tronditëse/ Vrasja e studentes në Greqi, hetuesit zbardhin çështjen

               Publikuar në : 21:18 - 11/07/19 Enno

Zbulohen detaje të reja për vrasjen e studentes në Greqi. Media greke “Zougla” ka publikuar informacione të reja, të dala në dritë, pas kontrollit të telefonave dhe kompjuterëve personalë të grekut dhe shqiptarit që u përfshinë në këtë ngjarje.

Hetuesit kanë zbuluar se, disa orë pas vrasjes së studentes Helen Topaloudu, djali grek 21-vjeçar ka kërkuar në “Facebook” për të folur me një vajzë me inicialet A.CH, duke e ngacmuar atë. Pasi ajo e refuzoi, 21-vjeçari ka kërkuar edhe për 4 vajza të tjera në këtë rrjet social.

Gjithashtu, mësohet se djali grek, natën e vrasjes së studentes ka kërkuar në internet për filma pornografikë. Ndërsa sa i përket të riut shqiptar, hetuesit kanë zbuluar se ai ishte njohur me viktimën vetëm 1 ditë para se ajo të vritej, më datë 26 nëntor 2018.

Pas vrasjes së grekes, dy djemtë e kanë parë profilin e saj sërish së paku 2 herë. Në llogarinë e grekut dikush ka hyrë për së paku 13 herë, ndërsa në komunikimet e tij, ai fliste edhe pas krimit sikur asgjë nuk kishte ndodhur, duke biseduar me një mik për faktin se kur do të shkojë në palestër. Kjo ndodhte në kohën që në media kishte dalë lajmi se një studente ishte përdhunuar dhe vrarë.

Babai i grekut ka konfirmuar për autoritetet greke se djali i tij dhe shqiptari janë takuar edhe pas vrasjes së Elenës. Babai tha se shqiptari kishte shkuar në banesën e tij. I ati i shtetasit grek tregon se shqiptari kishte shkuar në shtëpinë e grekut dhe se djali i tij ishte influencuar për keq nga ana e shqiptarit. Dyshohet se të pandehurit për vrasje e përdhunim janë kthyer në vendin e krimit dhe kanë dashur të fshijnë provat.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT