Aktualitet

Dëshmia e biznesmenit turk për jahtin e braktisur: Më tha jam afër Durrësit, por…


               Publikuar në : 14:53 - 11/09/19 Enno

Pronari i jahtit që u gjet i braktisur 12 milje larg nga Shëngjini pak ditë më parë, Nedim Akyuz ka dhënë dëshminë e tij përpara oficerëve të policisë, ku ka deklaruar versionin e tij të historisë.

Sipas tij, kapiteni i jahtit nuk rezulton të jetë një person me probleme a me rekorde të mëparshme kriminale.

“Sevgin Yavuz është kapiten i jahtit tim. Ishte nisur nga Budva për të marrë vëllanë tim në ishullin e Korfuzit, ku ndodhej me pushime. Hera e fundit që e kam telefonuar është kur ai ndodhej në Durrës. Më tha që kam hyrë në ujërat territoriale shqiptare dhe jam afër Durrësit. Një moment, më tha që nuk kishte shumë valë telefoni, ky ka qenë dhe kontakti im i fundit me të”, tha turku.

Deri më tani, jahti nuk i është kthyer, ndërsa pronari insiston se për mirëmbajtjen e tij duhen shpenzuar miliona euro.

Për rrjedhojë, Akyuz ka kërkuar që të marrë jahtin e tij në Turqi, por prokuroria ka refuzuar me arsyetimin se jahti shërben si provë për hetimin e çështjes.

Nga ana tjetër, Prokuroria e Lezhës ka dërguar për ekspertizë celularin e Sevgin Yabuz, për të cilin nuk ka ende ndonjë informacion se ku mund të ndodhet.

Kthehu
WhatsApp Denonco ne TT