Pas akuzave të ardhura nga Ministri i Bujqësisë, Faton Peci, kundrejt deputetes së Partisë Demokratike të Kosovës, Ganimete Musliu, kjo e fundit ka ashpërsur tonet e madje e ka goditur me një gotë ujë.
Situata është tensionuar shumë, dhe deputetja e Kosovës nuk e ka përmbajtur veten, duke sjellë degradimin e situatës.
Deputetja e Partisë Demokratike të Kosovës, Ganimete Musliu, e ka quajtur “rrugaç” ministrin e Bujqësisë, të cilin edhe e ka goditur me gotën me ujë.
Kjo ka ndodhur pas tensioneve mes tyre në raportimin e Pecit në Komisionin për Mjedis, Ushqim, Bujqësi, Planifikim dhe Zhvillim.
Pas këtij incidenti, mbledhja e këtij Komisioni është ndërprerë.
E gjithë ngjarja ka ndodhur pas akuzave që ministri Peci i ka bërë në drejtim të Musliut.
“Ti përfaqëson më gjuhen e përfaqëson krimin. Qajo pjesa e krimit në Ministrisë së Bujqësisë ka një mbështetje politike dhe kjo pi bije që je ti ajo zyrtare që je në prapavijë”, ka thenë Peci.