Gjykata e Tiranës ka caktuar masën “arrest me burg” për një prej protestuesve të Astirit, dhe “detyrim paraqitje” për dhjetë të tjerë.
Gjykata ka vendosur t’i japë lirinë dhjetë prej të arrestuarve, ndërsa ka lënë në burg vetëm njërin prej tyre.
Bëhet fjalë për Dorjan Protoduarin, i riu që u arrestua tek Spitali i Traumës, pak orë pas protestës tek Kuvendi.
Në protestën para Parlamentit u plagosën 3 qytetarë, dhe 12 efektivë të policisë. Në gjendje më të rëndë është efektivja Ina Nuka.
Pas këtij vendimi, deputetët e opozitës u shprehën se ata do të jenë në mbrojtje të banorëve.
