Së fundmi është publikuar videoja e vrasjes së biznesmenit Kastriot Reçi.
Siç shihet në pamjet e bëra publike nga “dosja.al”, biznesmeni 47-vjeçar zbret nga një makinë tip “Mercedes Benz” dhe afrohet tek një grua e cila ka përdore një fëmijë të mitur.
Teksa përshëndetet me gruan, të cilën e puth në faqe, Reçi nis të puthë dhe të gëzojë fëmijën.
Në këtë moment, ai është qëlluar me snajper vetëm një herë dhe menjëherë ka rënë përtokë.
Plumbi që sipas grupit hetimor e ka kapur në zemër, ka ardhur nga një largësi prej 250 metrash, nga kati i shtatë i një pallati.
Biznesmeni Kastriot Reçi u vra mesditën e djeshme në qendër të Rrëshenit, sapo doli nga lokali i tij.
