Kur bëhet fjalë për futbollin, polemikat nuk kanë të mbaruar kurrë. Tashmë që është futur teknologjia në futboll dhe u besua se një pjesë e dyshimeve do të hiqeshe, nuk është se po ndodh vërtetë ashtu. Ajo që ka ndodhur në finalen mes Newcastle Jets dhe Melbourne Victory, ndeshje e kategorisë kryesore të futbollit australian, është e pabesueshme.
Ishte një finale dhe një gol bëri diferencë, por goli vjen nga pozicion jashtë loje dhe nuk është evidentuar nga VAR. Kjo për shkak të një defekti që ka nxjerrë jashtë sistemit teknologjinë dhe arbitrat nuk kanë pasur mundësi ta rishohin aksionin.
Goli është quajtur i rregullt dhe Melbourne ka fituar titullin. Një befasi për Newcastle Jets, të cilët janë zemëruar edhe për faktin se imazhet e golit të parregullt janë transmetuar në ekranin e madh të stadiumit, por janë injoruar nga arbitri.
Një dështim ky, për të cilin Federata Australiane e Futbollit ka kërkuar falje: “E kuptojmë zhgënjimin e tifozëve të Newcastle Jets, defekti ka ndodhur vetëm një herë në këtë sezon, po ka ndodhur në momentin vendimtar”, ka thënë numri një i A-League, Greg O’Rourke.
“Na vjen shumë keq nga ky problem i VAR dhe e kuptojmë zhgënjimin e Newcastle Jets. Po punojmë që të kuptojmë se çfarë ka ndodhur me të vërtetë dhe për të bërë t’u siguruar që të mos ndodhë më në të ardhmen”.
