Kosova

Cedomir Jovanovic: Kurti nuk është kërcënim për Serbinë, ai është një mundësi


               Publikuar në : 09:47 - 10/10/19 Gentjan Progni

Lideri I LDP-së në Serbi, Cedomir Jovanovic, tha se rezultatet e zgjedhjeve në Kosovë shprehin nevojën për freskimin e skenës së brendshme politike në Kosovë, por edhe në lidhje me Serbinë.

Jovanovic tha se “Kosova ka treguar një nivel të lartë të kulturës demokratike në procesin elektoral dhe tani është koha ta sjellë atë energji në bashkëpunimin rajonal.”

“Shpresoj që qeveria e re, me një shumicë të qëndrueshme në parlament, të formohet së shpejti në Prishtinë, (shpresoj) që do të ketë forcën për të arritur një marrëveshje me Beogradin, e cila do të kuptohet dhe pranohet nga shoqëria në Kosovë,” tha Jovanovic, I cituar nga B92.

Jovanovic tha gjithashtu se Albin Kurti po sulmohet tani në Beograd me të njëjtën lloj retorike të përdorur para çdo katastrofe në këto rajone.

“Nëse ne përdorim fjalorin e viteve 90, atëherë rezultati nuk mund të jetë ndryshe përveçse ai tragjik të cilin e kemi kaluar. Kurti nuk është kërcënim për Serbinë, por një mundësi për shkak të shpresës që sheh në të shoqëria e Kosovës dhe për shkak të mbështetjes që gëzon ai. Deklaratat e Albin Kurtit se ai dëshiron të flasë me serbët e Kosovës, jo vetëm me Beogradin, duhet të vlerësohen dhe perceptohen si një mundësi për integrim më të fuqishëm të serbëve në shoqërinë dhe institutucionet e Kosovës,” theksoi ai.

Kthehu
WhatsApp Denonco ne TT