Minoritari grek Konstandinos Kacifas, i cili u vra nga RENEA gjatë një shkëmbimi zjarri, do të nderohet nga grekët. Konkretisht, kreu i Bashkisë së qytetit të Argons në Mikenë, Dimitris Kambosos deklaroi se në këtë qytet do të ndërtohet një bust i Kacifas dhe një rruge do t’i vihet emri i tij.
Kjo iniciativë ka gjetur mbështetjen e Këshillit të qytetit. Kreu i Bashkisë e dha lajmin me anë të një videoje të shpërndarë në rrjet, ku tha se emri i Kacifas do i vihet një rruge në pjesën jugore të qytetit Argos si dhe ngritjen e një busti, pasi sipas tij ‘është mirë të prezantojmë historinë tonë moderne’.
Kambosos po ashtu ka kritikuar ashpër Ramën dhe Tsipras, si dhe zgjedhjen e opozitës greke për të mos votuar për asnjë nga dy rezolutat që ai ka ngritur.
