Politikë

“Buburrecat po më gërryejnë”/ Mesazhi i Ramës: S’kam pasur nevojë të ulem që të shoh…

               Publikuar në : 14:18 - 11/09/19 Enno

Në takimin  e përjavshëm të bashkëqeverisje, kryeministri Edi Rama, i është përgjigjur një qytetari, teksa po tregonte me anë të një shembulli rrugën që kishte kaluar për të marrë pronësinë e një objekti.

“Tek shtëpia që jetoj në Shkodër, në oborr, kam pasur një trung ahu ku unë ulesha. Kam vënë re se kalojnë shumë buburreca poshtë edhe dilnin. Për kuriozitet e përmbysa, vura re buburrecat kishin gërryer nga poshtë. Kështu që them sado i fortë të jetë trungu, nëse buburrecat nuk do të zhduken në një formë apo në një tjetër, ky trung do të mbetet përsëri i gërryer. Kështu që uroj që këto lloj buburrecat ose shushunjash të jenë sa më të pakta, edhe të mund të shtypen”, tha Rruzhdi Bërdica.

Ndërkaq, kryeministri iu përgjigj në kontekstin politik, duke iu referuar edhe situatës aktuale, teksa theksoi se nuk ka nevojë për t’u ulur që të shohë çfarë i bëjnë ‘buburrecat’.

“Të jesh i sigurt që unë s’kam pasur nevojë të ulem në një stol për të parë se çfarë po më bëjnë buburrecat nga poshtë se rri në këmbë dhe i shoh buburrecat ulur që gërryejnë por megjithatë kjo kërkon durim të madh kërkon vullnet kohë dhe sigurisht sisteme. Dhe platforma është një nga ato sisteme që i mpin buburrecat dhe disa prej tyre edhe i shtyp. Unë e di që ju keni parasysh buburrecat e Hipotekës së Shkodrës kushedi ç’keni hequr me ta. Ne po vazhdojmë të luftojmë dhe kemi preferuar atë porosinë e Nënë Terezës, në vend se të mallkojmë errësirën të ndezim një qiri çdo ditë derisa të bëhet dritë”, tha Rama.

Kthehu
WhatsApp Denonco ne TT