Presidenti Ilir Meta ka bërë një deklaratë shumë të fortë. Duke iu referuar situatës me Gjykatën Kushtetuese, kreu i Shtetit tha se popullit i kanë mbetur tre rrugë, njëra prej të cilave është edhe marrja e armëve.
Në kundërpërgjigje, Braçe ka postuar foto nga Panairi i Librit, ku edhe duken të rinjtë që janë dyndur për të blerë botimet e ekspozuara.
Statusi
“Pas thirrjeve “per te marre armet”, populli dyndet e ble #libra.
Armet jashte rendit kushtetues e ligjor, i kane banditet, jo populli!
Librat nuk arrijne kurre tek banditet!”, shkruan ai bashkëngjitur fotos në fjalë.
Në kushtet kur së fundi po përballemi me një tjetër konflikt për ngritjen e Gjykatës Kushtetuese, presidenti Ilir Meta ka deklaruar sot se më këtë veprimtari qytetareve nuk i mbetet gjë tjetër, vetëm tre mundësi.
Sipas Metës, me këtë kapje të drejtësisë, qytetareve u mbetet ose të kapin armët, ose të bëhen skllevër, ose sipas tij të ikin nga Shqipëria.“Tani kanë mbetur vetëm tre rrugë, nëse Presidenti do pranonte këtë gjë. Ose njerëzit të marrin armët që është e dënueshme dhe e papranueshme. Ose të bëhen skllevër njëpartiak që e kanë provuar 40 vjet, ose të ikin të gjithë jashtë nga Shqipëria… Të gjitha janë të papranueshme, por ato dy të fundit për mua tmerrësisht të papranueshme. Kështu që është detyra e presidentit që të mbrojë këtë proces mjaft të rëndësishëm kushtetues të ndërtimit të Gjykatës Kushtetuese. Presidenti ka qenë mjaft bashkëpunues në këtë proces”, tha Meta.
