”Boll bërtite”/ Grizman dhe Pike zihen në fushë gjatë ndeshjes me PSG (Video)

Problemet te Barcelona u panë qartë dje në humbjen e thellë 1-4 përballë PSG-së në shtëpi. Por, kamerat e mediave spanjolle zbuluan dhe mosmarrëveshjet mes dy futbollistëve blaugrana, Zherard Pike dhe Antuan Grizman. Gjatë takimit, të dy debatuan duke kaluar në fyerje.

Gjithçka ndodhi në minutën e 38-të dhe rezultati i sfidës ishte 1-1. PSG-ja po shton aksionet në portën e Barcelonës dhe kjo situatë e nervozoi mbrojtësin Pike, i cili i kërkoi ekipit të qarkullonte sa më shumë topin në fushë.

Por, sulmuesit Grizman nuk i kanë pëlqyer tonet e larta të shokut të skuadrës dhe mes tyre u shkëmbyen fyerje!

Debati Pike-Grizman në fushë:

Pike: Ta kontrollojmë topin sa më shumë, dreqi e mori! Dreq! Të vazhdojmë!

Grizman: Qetësohu, Geri! Boll, bërtite!

Pike: E marrtë dreqi, Grizi!

Grizman: Ik p****u!

Pike: Jo, ik p****u ti! Po vuajmë kështu që prej 5 minutash!

Grizman: Mos bërtit!

Pike: Trap! Po vrapojmë si të çmendur!