Gazetari Blendi Fevziu ka folur mbrëmjen e sotme, i ftuar tek emisioni ‘Dola te Ola’ mbi marrëdhëniet e tij me politikanë.
Në raport me kryeministrin Rama ai shkëputi këtë episod nga vite të shkuara, në vigjilje të një interviste me të.
Blendi Fevziu:
“Nuk ka qenë i vështirë Rama, intervista ishte e qetë në raport me tani. Rama ka qenë ndër të vetmit persona që interesohej më shumë për pamjen dhe dekorin se sa të tjerët. Mbaj mend që për këtë intervistë ramë dakord që ai do vinte. Unë isha në plazh se ishte e diel, më merr drejtori i televizionit më thotë se ka ardhur ky këtu po ndryshon dritat. Kishte shkuar përpara kishte marrë një shkop dhe e çonte dritën nga vetja e vet. Kjo nuk më kishte ndodhur më parë”, tregon ai.
Krahasimi i Edit të atëhershëm me Edin sot kryeministër: “Ka tjetër autoritet, tjetër kokëfortësi, tjetër grintë”.
