E diel, 13 Qershor, 2021
18.5 C
Tirana

Bjellorusia burgos edhe një korrespondent tjetër të Radios Evropa e Lirë

Një korrespodent që punon për Shërbimin Bjellorus të Radios Evropa e Lirë, i cili u arrestua në një protestë kundër Alyaksandr Lukashenkas në Minsk fundjavën e kaluar, është burgosur për 10 ditë, thanë të afërmit e tij.

Ihar Karney ishte në mesin e më shumë se 1,200 personave që u arrestuan nga policia më 15 nëntor në të gjithë Bjellorusinë. Protesta antiqeveritare janë mbajtur pothuajse çdo ditë në këtë shtet që kur Lukashenka u shpall fitues i zgjedhjeve të vendit më 9 gusht, pavarësisht akuzave për mashtrim zgjedhor nga opozita dhe vendet perëndimore.

Të paktën 18 gazetarë – përfshirë Karney dhe tre kontribues të tjerë në Shërbimin Bjellorus të Evropës së Lirë — fotografi Andrey Shaulyuha, kameramani Andrey Rabchyk dhe një montazhere e videove, Yulia Kotskaya — ishin mes të arrestuarve në Minsk dhe qytete të tjera më 15 nëntor, sipas Shoqatës Bjelloruse të Gazetarëve.

Një gjykatë në Minsk më 17 nëntor e dënoi Shaulyuhan me 15 ditë burg pasi e gjeti fajtor për pjesëmarrje në një tubim, një akuzë që ai e hodhi poshtë, duke thënë se po e mbulonte ngjarjen si reporter.

Më 16 nëntor, Rabchyk u shpall gjithashtu fajtor për pjesëmarrjen në një tubim dhe u dënua me 15 ditë. Rabchyk gjithashtu u deklarua i pafajshëm, duke këmbëngulur se ai po mbulonte tubimin.

Kotskaya u la e lirë më 16 nëntor, por gjithashtu u akuzua për pjesëmarrje në një tubim dhe u thirr në një gjyq të caktuar për 19 nëntor.

Javën e kaluar, një korrespondent shumëvjeçar i Evropës së Lirë në Bjellorusi, Aleh Hruzdzilovich, u dënua me 15 ditë burg me të njëjtën akuzë për mbulimin e një tubimi tjetër masiv kundër Lukashenkas.

Në gusht, Ministria e Jashtme Bjelloruse refuzoi të zgjasë akreditimet e disa korrespondentëve të Evropës së Lirë, duke i detyruar ata të ndërpresin punën e tyre për transmetuesin amerikan.

Sipas Shoqatës Bjelloruse të Gazetarëve, 26 reporterë janë burgosur në Bjellorusi deri më 18 nëntor./REL/

- Reklama -

Më shumë nga kategoria




Të fundit

Belgjika mposht me lehtësi Rusinë, Lukaku i dedikon golin Eriksen (Video)

Përfundon ndeshja midis Belgjikës dhe Rusisë, e vlefshme për grupin B të kompeticionit europian ''EURO 2020''. Skuadra e drejtuar nga Martinez ka shkatërruar rusët...

VOA: Takimin më të vështirë, Biden do e ketë me Erdogan

Presidenti turk Rexhep Tajip Erdogan do të takohet me presidentin amerikan Joe Biden të hënën në takimin e nivelit të lartë NATO-s për diskutime...

Putin nënshkruan ligjin që mbron të dhënat e zyrtarëve të sigurisë

Presidenti rus, Vladimir Putin, ka nënshkruar një ligj që po vlerësohet se mund të pengojë përpjekjet për ekspozimin e korrupsionit ose kërkesën për llogaridhënien...

Itali: Vaksinimi me AstraZeneca, vetëm për personat mbi 60 vjeç

Vaksina Astrazeneca në Itali do të përdoret vetëm për njerëzit mbi 60 vjeç. Lajmi vjen pas rasteve të rralla të trombozës që kanë ndodhur...

Shqipëria ngjitet në çatinë e botës, por me cilat prioritete?

Shqipëria u zgjodh dje anëtare e përkohshme në Këshillin e Sigurimit. Duke filluar nga 1 janari i vitit 2022, Shqipëria do të ulet për...