Kryetari i PD-së, Sali Berisha, në një konferencë me gazetarët ka denoncuar vendimin e fundit të qeverisë që miratoi udhëzimin, për të tërhequr dosjet e Gjykatës së Lartë. Sipas Berishës, ka mungesë të transparencës, ndërsa kjo tërheqje do të kushtojë miliarda dëm për pasurinë publike. Sipas tij, kryeministri Rama ka kapur edhe Gjykatën e Lartë. Ai akuzoi Ramën se ka kapur gjykatën përmes Sokol Sadushit, dhe përvetëson pronat e shqiptarëve përmes vendimeve të gjykatave.
“Ai dëshmon çdo ditë e më shumë se Gjykatën e Lartë, apo sado gjykatën e ka kapur përmes Sadushit të tij. Për sa koordinohet në planin e qartë të masave, në mënyrën e dhënies së drejtësisë së shqiptarëve. Edi Rama përvetëson pronat e shqiptarëve përmes vendimeve të gjykatave dhe ushtarëve të tij në administratë.
Në mungesë të plotë transparence, pa asnjë analizë të plotë të rasteve, por dhe dëmit që mund t’i shkaktohet shtetit në shkelje të plotë të Kushtetutës, Këshilli i Ministrave vendos që për të gjitha institucionet në varësi të saj, të hiqet dorë nga rekurset në Gjykatën e Lartë për çështjet me natyrë administrative apo civile.
Qeveria po koordinohet me sado Gjykatën e Lartë për të krijuar individë apo persona juridikë të caktuar. Prapa këtij vendimi qëndrojnë lobet, klane mafioze të tokave dhe territoreve, të kontrabandës e me radhë. Vlerësimi për rreth 3800 dosje do bëhet nga ushtarët e partisë. Prej 7 vitesh, Gjykata e Lartë edhe sot funksionon nga 2-3 që kishte, ka 13 gjykatës, pavarësisht stokut të dosjeve që janë krijuar. Mazhoranca nuk plotëson vendet pa asnjë pengesë. Por pse e lë gjykatën me gjysmë gjykatësish? Sepse do gjykatës të klonuar all-Sadush?”.
Ai tha më tej se me anë të kësaj praktike, Gjykata e Lartë po cenon rëndë procesin e rregullt ligjor, duke shkelur parimin e sigurisë juridike.
“Ky është parim themelor i shtetit, ligjit. Të gjitha vendimet pa siguri juridike, janë vendime në letër. Ky plan i qartë është përgatitur nga Sadushi në bashkëpunim me Agaçion për të shkelur me këmbë të drejtat e qytetarëve, të cilët zvarriten prej vitesh për çështje që i ka ardhur koha të dëgjohen”.
Berisha akuzoi qeverinë e Ramës se ka tërhequr rekurset për çështje të ndryshme të klientëve të saj, vendim i cili rëndon në kurriz të taksapaguesve shqiptarë.
“Qeveria e Edi Ramës ka hapur tenderin e madh të korrupsionit, për tërheqjen nga rekurset për çështje të ndryshme të klientëve të saj, e cila shkon miliarda euro në kurriz të pasurive publike dhe taksapaguesve shqiptarë. Është një akt i pashembullt, është një hap tjetër madhor në drejtim të thellimit në progresion gjeometrik në vjedhjes dhe korrupsionit në këtë vend”.
