E hënë, 20 Shtator, 2021
28.5 C
Tirana

Berisha krijon grupin rebel në Korçë, për t’i bërë presion Bashës

Pas largimit të ish-kreut të PD-së dega Korçë, Andrea Mano dhe 14 anëtarë të Kryesisë së kësaj dege, një ditë më parë dhanë dorëheqjen edhe 51 drejtues të strukturave të degëve. Kjo dëshmon se janë thelluar edhe më tej përplasjet në degën e Partisë Demokratike në Korçë.

Pas largimit të kryetarit të Partisë Demokratike të Korçës, Andrea Mano dhe Kryesisë së kësaj dege, të tjerë përfaqësues lokalë kanë dhënë dorëheqjen nga funksionet e tyre drejtuese. 51 kryetarë, sekretarë, koordinatorë të Lidhjes Demokratike të Gruas të Partisë Demokratike në Korçë, kanë dhënë dorëheqjen duke akuzuar edhe liderin demokrat Basha. Ajo çfarë vihet re është se shumica e të dorëhequrve janë mbështetës të ish-kryeministrit Sali Berisha dhe mendohet se në këto dorëheqje mund të ketë ndikuar edhe ky i fundit. 51 drejtuesit e seksioneve shigjetojnë kryedemokratin Basha, se po kthen PD-në në një parti klienteliste. Ata shprehen se Basha e ka kthyer Partinë Demokratike në një parti në funksion të interesave të veta.

Në datën 27 korrik, në PD-në e Korçës dhanë dorëheqjen ish-kryetari i kësaj dege, Andrea Mano, Sekretari i Përgjithshëm Devis Osmani dhe 13 anëtarë të Kryesisë, të cilët gjithashtu hodhën akuza ndaj Bashës, pasi e ktheu PD-në në një parti ku mbizotëron arroganca, shpërfillja, nepotizmi dhe papërgjegjshmëria e lidershipit.

Berisha, ‘përplasje e heshtur’ me Bashën

Ish-kryeministri Berisha ka nisur një përplasje me Bashën, dhe po i jep sinjalet se ka ende ndikim në Partinë Demokratike. Ambasadorja Kim ka kërkuar largimin e tij, por Berisha duket se po nis krijimin e grupeve rebele, për t’i bërë presion Bashës.

Mesazhi i ambasadores Yuri Kim ndaj Partisë Demokratike ishte i qartë: distancim nga Sali Berisha, i shpallur “non grata” nga sekretari amerikan i Shtetit. Yuri Kim i çoi mesazh dhe partisë në pushtet, me rikthimin e Partisë Demokratike në Parlament.

“Do të jetë e domosdoshme që kjo gjë të bëhet në mënyrë domethënëse, dhe SHBA-ja do të vazhdojnë të mbështesin këto përpjekje për demokraci në Shqipëri. Ndërsa PD-ja do të rikthehet në Kuvend, është e rëndësishme që PS-ja të mund të ngrihet mbi interesat e saj partiake. Dëshiroj të theksoj rëndësinë që ndërsa kryetarët e partive do të futen në Kuvend, është e rëndësishme që të mund të shoqërohen nga deputetë që vërtetë e meritojnë përfaqësimin e Shqipërisë. Do të jetë e rëndësishme që PD-ja të mendojë për këtë çështje dhe sikurse e kam përmendur edhe më parë, PD-ja ka luajtur një rol të pazëvendësueshëm për ta nxjerrë këtë vend nga komunizmi.

Lexo edhe :   Fjalori nekrofil, si simbol fillimi i kësaj legjislature

Në fakt, do të ishte një ironi historike, por edhe tragjike nëse partia do të duhej të hante bar për hatër të një deputeti të saj. Shpresa jonë është që partitë do të bëjnë përpara që bashkëpunimi ynë do të shkojë përpara.

Lexo edhe :   Meta merr në mbrojtje Berishën, akuzon Kim se po shkel sovranitetin e vendit

Për këtë arsye ka vendime të vështira përpara për të gjithë. Shpresoj që njerëzit të shplodhen gjatë gushtit dhe kur të kthehen të jenë më të freskët”, ka thënë më herët Yuri Kim.

Për ish-kryeministrin Berisha, nuk ka forcë që e ndal të futet në Kuvend në muajin shtator.

“Ambasadorja Kim është unike në botë. Pasi ka lavdëruar një masakër zgjedhore, kërkon tani t’i diktojë këtij vendi se kush duhet dhe kush nuk duhet të futet në Parlament. Ajo qëndrimin e saj e lidhi me dogmën e barit, jo rastësisht. Ajo është njeri i shkolluar mirë dhe e ka lexuar edhe Enver Hoxhën, edhe Lincoln, edhe Kim Yong Un etj.

Diktati dhe bari janë binom i paparë. Shqiptarët e dinë mirë që në diktaturë kur njerëzit për dramën e tyre i kishin deleguar Hoxhës, kanë ngrënë bar dhe kanë vdekur nga bari. Unë po bëj gjithçka që shqiptarët të mos hanë bar. Unë nuk po ofroj bar, por transparencë. Unë nuk mbrohem nga imuniteti, sovraniteti apo Kushtetuta, por unë nuk pranoj që në diktat t’i shkel ato. Dhe rruga e vetme për t’i mbrojtur ato është transparenca. Nuk ka forcë në botë, përveç Zotit që më pengon mua pa e ushtruar misionin tim të dhënë nga zgjedhësit shqiptarë. Mesa di unë, kreu i PD-së ka kërkuar të njëjtën gjë, transparencë!”, tha Berisha. /Tirana Today

- Reklama -

Më shumë nga kategoria




Të fundit

Reciprociteti i targave/Kurti: S’ka për qëllim destabilizimin

Kryeministri i Kosovës, Albin Kurti, ka folur nga Kuvendi për reciprocitetin e vendosur për targat e automjeteve. Gjatë seancës së sotme parlamentare, Kurti theksoi...

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...