Basha: Për 8 vite Shqipëria në vend numëro për integrimin

Kryetari i Partisë, Lulzim Basha ka folur pas vizitës në Slloveni e Kroaci dhe takimeve që pati me kryeministrat e këtyre dy vendeve, teksa Sllovenia merr presidencën e radhës së BE.

Në një intervistë për ”News24”, ai tha se për 8 vite me radhë Shqipëria ka ngecur në vend numëro në procesin e integrimit europian.

Ai theksoi angazhimin për të zhbllokuar këtë proces menjëherë pas zgjedhjeve të 25 prillit.

Lulzim Basha: ”Sllovenia do të marrë presidencën e Bashkimit Europian në 6 mujorin e dytë të këtij viti. Dhe në kemi shpallur integrimin europian si një nga prioritetet kryesore të programit tonë padiskutim një nga prioritetet kryesore të qytetarëve shqiptarë. Ju e dini që për 8 vite me radhë Shqipëria ka ngecur në vend numëro në procesin e integrimit europian dhe ka humbur në këtë mënyrë një mundësi të jashtëzakonshme të ndihmës financiare dhe jo vetëm që Bashkimi Europian ofron në këtë proces. Plani ynë, angazhimi ynë, është që të zhbllokojmë këtë proces menjëherë pas zgjedhjeve të 25 prillit. Dhe në këtë kuadër është shumë i rëndësishëm koordinimi ynë me Bashkimin Europian.”