Basha ndalet në Shijak: Pas 25 prillit, ata që fshihen nëpër skuta i pret burgu

Kryetari i Partisë Demorkatike, Lulzim Basha është ndalur në Shijak, në vijim të takimeve elektorale në kuadër të zgjedhjeve të 25 prillit.

Basha u prit nga qindra qytetarë dhe simpatizantë, teksa gjatë fjalës së tij, u shpreh se të gjithë ata janë energjia për shpresën, bashkimin dhe ndryshimin.

Ai u zotua se Shqipërisë do i hapë negociatat me BE ndërsa për shijaksit tha se ata do i japin Ramës ujë në bisht të lugës.

Lulzim Basha: “Bashkë për ndryshim. Jemi këtu në Shijakun e demokracisë. Faleminderit të gjithëve që jeni energjia për shpresën, bashkimin dhe ndryshimin më datë 25 prill. Kanë qenë tetë vite rrenash, abuzimesh, arrogance dhe tallje me ju. Në ditën më të vështirë, braktisi qytetarët. Është bërë abuzimi më i madh me fondet e rindërtimit, në kurriz të familjeve të dëmtuara nga tërmeti. Pas 25 prillit, ata që fshihen nëpër skuta të qyteteve, i pret drejtësia, i pret burgu. Shijakasit dhe durrsakët do i japin Ramës ujë në bisht të lugës. Edhe katër vjet të tjera do ishin rrënim total i Shijakut, Durrësit e Shqipërisë. Votoni numrin 9, për ndryshim

Kjo qendër fisnikësh, që ka bërë histori në themelimin e shtetit shqiptar, të ketë krenarinë e veçantë për historinë që kanë. Fëmijët tuaj nuk do të largohet më nga Shijaku. Kjo sepse qeveria e ardhme do të jetë e të gjithë shqiptarëve. Të gjithë bashkë për ndryshim, të largojmë Ramën. Edi Rama, koha jote ka mbaruar, koha e premtimeve tuaja kanë mbaruar, prandaj nuk do ketë katër vjet të tjera, as katër orë nuk i duron dot Shqipëria. Bashkë për ndryshim. Ta bëjmë Shqipërinë si Europa. Shqipërisë do i hapen negociatat, duke votuar numrin 9. Bashkë për ndryshim, Shijaku fiton, Shqipëria fiton.”