E hënë, 27 Shtator, 2021
20.5 C
Tirana

Banka Qendrore e Austrisë: Shqiptarët nuk dinë rreziqet që u vijnë nga kursi i këmbimit

Shqiptarët patën rezultatet më larta në rajon sa i takon një vrojtimi që testoi njohuritë e tyre mbi rreziqet financiare. Banka Kombëtare e Austrisë zhvilloi vitin e kaluar në vendet e Europës Juglindore dhe Ballkanit Perëndimor një vrojtim mbi njohuritë e individëve në katër fusha kryesore: normat e interesit, norma e inflacionit, kursi i këmbimit dhe rreziqet financiare.

Sipas vrojtimit, individët në Shqipëri kanë njohuri relativisht të kënaqshme për sa i takon rrezikut financiar. Ndërkohë, ata paraqiten relativisht të kufizuar në drejtim të njohjes së rrezikut të kursit të këmbimit, të normës së interesit dhe inflacionit.

Shqiptarët kanë njohuritë më të mira në rrezikun e investimit të vlerave monetare se vendet e tjera të Ballkanit. 44% e të anketuarve në Shqipëri dhanë përgjigje të saktë, teksa kjo përqindje ishte më e ulët në Serbi 28%, Maqedoni 31% dhe Bosnjë 31%. Banka e Qendrore e Austrisë e kishte shtuar pyetjen mbi rrezikun financiar në këtë mënyrë: “Në rastin kur një investitor shpërndan paratë e tij në aktive të ndryshme, rreziku për të humbur para rritet/ ulet/ nuk ndryshon?”. Përqindja e shqiptarëve që dhanë përgjigje të saktë ishte më e lartë se në vendet e Ballkanit Perëndimor, por më të ulët se vendet e tjera të Europës Lindore si Çekia dhe Hungaria. Por shqiptarët kishin njohuri më mirë për rreziqet financiare edhe se kroatët dhe rumunët.

Por, nga ana tjetër, shqiptarët u paraqitën me kufizime në lidhje me njohuritë që kishin mbi normat e interesit dhe për inflacionin.

Pyetjes: “Supozoni që norma e interesit në llogarinë tuaj të kursimit të ishte 4% në vit dhe inflacioni 5% në vit. Duke injoruar çdo tarifë tjetër bankare, pas 1 viti, do të mund të blini më shumë, ekzaktësisht njësoj, apo më pak se sot me paratë në këtë llogari?”, i janë përgjigjur saktë vetëm 45% e shqiptarëve, teksa vendet e Ballkanit dhe ato të Europës Lindore u paraqitën më mirë, duke përjashtuar Rumaninë e cila i kishte përgjigjet e sakta më pak se Shqipëria.

Gjithashtu pyetjes: “Supozoni se keni marrë një kredi në euro. Më pas, kursi i këmbimit për monedhën vendase zhvlerësohet kundrejt euros. Si do të ndikojë kjo në shumën e parasë në monedhë vendase që do t’ju duhet për të paguar këstin e kredisë?” Pagesa e këstit rritet/ qëndron e pandryshuar/ ulet, iu përgjigjën saktë vetëm 34% e të anketuarve në Shqipëri.

Shqiptarët, në këtë aspekt, u paraqitën më dobët se të gjitha vendet e tjera të rajonit, vetëm 34% e të anketuarve, niveli më i dobët në Rajon./Monitor

- Reklama -

Më shumë nga kategoria




Të fundit

Berisha, nga Ryersoni tek Yuri Kim

Nga: Mentor Kikia Zhvillimet që po ndodhin tani në politikën shqiptare janë më të rëndësishmet që kanë ndodhur që nga vitet 1990-1992. Dhe kanë për...

Bërnabiq: BE nuk po bën asgjë, ose fare pak për situatën në Kosovë

Kryeministrja e Serbisë, Ana Bërnabiq, tha se Bashkimi Evropian, në këtë moment, “nuk po bën asgjë, ose po bën fare pak” në lidhje me...

Dojna Mema i bashkohet ‘Big Brother Vip’, zbulohet pozicioni që i është besuar

“Big Brother Vip” starton në fillim të tetorit. Edhe ky edicion do të drejtohet nga Arbana Osmani. Revista “Vip Magazine” ka zbuluar se Dojna Mema...

Asnjë i dënuar për atentatin tek ‘Komuna e Parisit’, lihen të lirë dajë e nip

Viktor Marku dhe Sebastian Mali, të cilët akuzoheshin për vrasjen e Hekuran Billës, janë liruar nga qelia. Me vendim të Gjykatës, nga ‘arrest me...

“Qeveritë të takohen më shpesh”, akademiku Rexhep Qosja mesazh Ramës dhe Kurtit

Në ceremoninë e vlerësimit nga Edi Rama me titullin “Kordoni i Madh me Yllin e Medaljes”, të zhvilluar në Prishtinë, akademiku i njohur Rexhep...