Bajern-Dortmund/ Ja çfarë duhet të dini për klasiken gjermane

Bayerni, kryesues i Bundesligës, do të presë vizitën e Borussia Dortmundit në kryendeshjen e javës në Bundes. Fushë-beteja gati për “der Klassiker”, një ndeshje që mund të ngjeshë garën për titull në Gjermani.

Bayerni është vetëm dy pikë para Leipzigut me 11 ndeshje të mbetura, që do të thotë se nëse Dortmundi do të zgjasë sot serinë fitoreve në pesë ndeshje në të gjitha garat, kjo do t’i jepte Leipzigut një shans për të kaluar në kryesim.

“Demat” e Leipzigut nga ana tjetër vizitojnë Freiburgun, një sfidë e kalueshme nê letër.

Yjet e Dortmundit: Jadon Sancho, Raphaël Guerreiro dhe Giovanni Reyna nuk do të jenë në dispozicion për këtë klasike.

Bayerni doli nga një mini-krizë prej dy ndeshjesh pa fitore duke mundur Këlnin 5-1 fundjavën e kaluar dhe një fitore kthehet në detyrim për të qenë të parët dhe pas këtij raundi.

Vendi i tretë. Wolfsburgu viziton Hoffenheimin dhe vendi i katërt, Eintracht Frankfurti pret Stuttgartin.

Borussia Mönchengladbach pret “aspirinat” e Bayer Leverkusenit për një përplasje midis dy ekipeve që janë në krizë rezultatesh ndërsa Hertha Berlin synon t’i japë fund serisë prej nëntë ndeshjesh pa fitore me një tripikësh ndaj Augsburgut.