E martë, 19 Janar, 2021
8 C
Tirana

Babai i 7 fëmijëve divorcohet nga gruaja, djali e terrorizon me dhunë

Historia e një 60-vjeçari u trajtua sot në studion e emisionit “Me zemër te hapur”. Babai i 7 femijëve pas divorcit në gjykatë me bashkëshorten rrëfen se dhunohet nga familjarët, fizikisht dhe psikologjikisht. Teksa pasuria e përbashket nuk është ndare ende, jetojnë të gjithë bashkë në të njëjtën banesë, dhe kjo jetesë është bërë e pamundur.

Për shkak të dhunës nga i biri, ka marrë 3 urdhra mbrojtje dhe është nën presionin e tij çdo ditë. Ai u martua më 20 nëntor 1977 dhe në vitin 2012 është divorcuar në gjykatë. U lidhën bashkë me të shoqen me mblesëri, me ndërmjetësimin e një njeriu të njohur, por që nga fillimi thotë ai mes tyre ka patur probleme. Nuk shkonin mirë me njëri tjetrin, por qëndruan së bashku për shkak edhe të ndikimit të njerëzve. Në vitin 1992 shkoi emigrant në Greqi, nuk kishte dokumenta të rregullta, por ishin të varfër dhe i duhej të fitonte para të siguronte familjen.

Nga viti 92 deri ne 2018 ka jetuar në Greqi, shkonte dhe vinte. Me origjinë është nga Mati, por bleu tokë në Kamëz dhe bëri një shtëpi 1 katëshe me një truall prej 107 metrash katrorë në të cilin jetojnë ende familjarisht.

Në fillim pati probleme edhe me banorë të zonës aty afër pasi nuk donin ta lejonin që ai të ndërtonte aty shtëpinë.

“Fëmijët u rritën dhe në të dy s’kemi më punë bashkë”, këtë i ka thënë e shoqja në vitin 2010, nuk pranonte më që të ishin burrë e grua e të kishin raporte me njëri tjetrin.

U divorcuan në gjykatën e Tiranës, por tani janë në gjyq për përpjesëtimin e pasurisë. Jo vetëm gruaja thotë ai, por edhe fëmijët e fyenin, ziheshin me të, djali Aleksandri e ka dhunuar disa herë dhe ai ka marrë edhe 3 urdhra mbrojtje.

Gjithsej ka 5 vajza dhe 2 djem, por djali që është në shtëpi dhe njëra prej vajzave janë treguar më të ashpër me të. Ata pretendojnë se ai abuzon me alkoolin dhe gjen mënyra për të bërë sherr në shtëpi, dhe për t’ju prishur qetësinë.

Ai thotë se e kanë përzënë nga shtëpia, madje në vitin 2013 në prag të Vitit të Ri e nxorën jashtë dhe e ka marrë e motra e cila e ka strehuar për 8 muaj. Kur djali është martuar ai nuk ishte në dasmë. Jetojnë në të njëjtën banesë dhe kanë konflikte të vazhdueshme madje ai ndihet nën presion.

 Çfarë note do i vije ish-bashkëshortes tënde? Çfarë nëne ka qenë?

Për fëmijët e vet është munduar. Si nënë nuk mund të them se është nënë e keqe. Shtëpitë i kam bërë vetë me krahët e mi. Arritëm që u ndamë në 2009. Tha janë rritur fëmijët. Në 95-96 blemë një tokë në Kamëz, dhe në 2006 e përfunduam shtëpinë. Kam punuar emigrant që nga viti 1992 dhe jam kthyer në vitin 2012. Nuk e kam ofendu. S’kam ushtruar dhunë as psikologjike, as fizike. Ndoshta në gjakftohtësi e sipër edhe mund ta kem thënë. Ka pasur raste që edhe në sy të fëmijëve gruaja ka thanë: dil nga shtëpia se kjo është shtëpia ime. Fëmijët e parë nëna ime i ka rrit, jo ajo. Ishte e vjetër nëna, se merrja dot./BalkanWeb

- Reklama -

Më shumë nga kategoria




Të fundit

Emigracion masiv, Shqipëria 6-ta e në botë për leje qëndrimi në BE

Shqipëria u rendit e gjashtë në botë në vitin 2019 sa u përket lejeve të qëndrimit që shtetasit e saj kanë në shtetet e...

‘Shqipëria e Madhe’/ Haradinaj: I dukem i rrezikshëm Vuçiçit? Të njohë Kosovën

Lideri i Aleancës për Ardhmërinë e Kosovës (AAK), dhe kandidati për President, Ramush Haradinaj ka reaguar pas deklaratës së presidentit serb, Aleksandër Vuçiç se...

Zgjerimi në detin Jon, Dendias: Rrisim territorin sovran me 10%

Në parlamentin grek ka filluar debati për projektligjin i cili parasheh zgjatjen e kufirit detar në Detin Jon. Miratimi i mundshëm i këtij projektligji...

I shiti bankës 242 milion $ një aeroport imagjinar, historia e Emanuel Nvude

Një nga mashtrimet më të mëdha të gjitha kohërave ka ndodhur midis viteve 1995-1998, kur nigeriani Emanuel Nvude, arriti t’i shiste një aeroport të...

Vuçiç: Bashkimi i Kosovës me Shqipërinë, një kërcënim për Evropën

Presidenti i Serbisë, Aleksandër Vuçiç ka reaguar pas deklaratës së ish-kryeministrit të Kosovës, Ramush Haradinaj për formimin e “Shqipërisë së Madhe”. Vuçiç ka theksuar se...