Zakonisht njerëzit mendojnë se njeriu i parë që arriti në hapësirën e jashtme të Tokës ishte rusi Juri Gagarin në vitin 1961. Por sikur t’ju thoshim se është dikush tjetër që mund të ketë arritur hapësirën e jashtme qindra vjet para Gagarinit?
Shumë prej jush do të ishin natyrshëm shumë skeptikë në lidhje me këtë informacion, pasi ai është tejet i mjegullt, dhe jo shumë historianë e kanë regjistruar këtë ngjarje. Gjithsesi ajo është mjaft interesante, dhe madje besohet edhe nga agjencia amerikane e hapësirës NASA.
Mbi këtë ngjarje nuk ka asnjë shënim zyrtar, pasi besohet se ato kanë humbur përgjatë historisë, ose ndoshta janë harruar në ndonjë bibliotekë kineze. Por historia flet për Uan-Hu, një fisnik nga dinastia Ming, që pretendohet se ka qenë astronauti i parë në historinë e njerëzimit.
Kina ishte e para që e shpiku barutin gjatë shekullit IX-të. Ajo ndihmoi jo vetëm në krijimin e shumë armëve para-moderne dhe armëve të zjarrit, por edhe të raketave mesjetare që u përdorën kryesisht si fishekzjarre.
Shumë astrologë kanë diskutuar shpesh mbi mundësinë që njerëzit të udhëtonin në yjet e largët në qiell në një të ardhme të largët. Përkundër gjithë këtyre aspiratave, Uan-Hu dhe
të tjerët besonin se mënyra për të arritur deri tek yjet ishte përmes krijimit të një force të fuqishme, dhe në atë kohë forca më e fuqishme që kishin ishte krijuar nga shpërthimi i barutit.
Fishekzjarret u bënë shumë popullore brenda Kinës gjatë shekullit XIV-të. Ato përdoreshin gjithmonë në festivale, por edhe në stërvitjet ushtarake. Uan-Hu ishte një shkrimtar. Ai kaloi shumë kohë duke lexuar dhe hulumtuar.
Ideja për të fluturuar në hapësirë i erdhi një natë kur shkroi një poezi mbi fishekzjarret. Ato ishin në gjendje të fluturonin lart në qiell. Ndaj Uan-Hu mendoi se mjaftonte që të përdoreshin shumë prej tyre dhe ai do të mund të arrinte të njëjtën gjë.
Shkrimtari urdhëroi shërbëtorët e tij që të ndërtonin një karrige, e cila do të ishte e pajisur me shumë raketa në pjesën e poshtme,të cilat do të ushqeheshin nga baruti. Këtu duhet përmendur fakti se Ushtria Mbretërore Kineze,ishte duke përdorur në atë kohë një lloj rakete që do ta hidhnin drejt armikut, dhe që fluturonte shumë më shpejt se sa çdo lloj fishekzjarri.
Kështu,shërbëtorët lidhën sa më shumë raketa që mundën në një karrige të madhe prej druri. Të dhënat e kësaj “legjende” (siç preferojnë ta quajnë disa), thonë se në një ditë gjatë shekullit XVI Uan-Hu u ngrit në qiell bashkë me karrigen.
Ai ishte veshur me rrobat më të mira që kishte, dhe u përgatit të shihej nga pjesa tjetër e botës si një hero ose të vdiste në një shpërthim po aq të lavdishëm. Shumë shërbëtorë po prisnin urdhrin e tij për të ndezur raketat me pishtarë të gjatë.
Me urdhër të Uan-Hu, raketat u ndezën nga shërbëtorët, dhe në moment u krijua një re e madhe. Pas asaj reje tymi, Uan-Hu u zhduk në qiell duke lënë pas vetëm një shteg tymi
të zi. Shumica e njerëzve besuan se ai kishte vdekur nga një shpërthim, ndërsa disa të tjerë besuan se ai kishte arritur në Hënë. E sigurt është se bazuar në të dhënat, ai nuk i rikthyer kurrë nga hapësira.
