Bota

“Assange i rrezikohet jeta në burg”/ Mjekët alarmojnë autoritetet britanike


               Publikuar në : 18:23 - 25/11/19 L M

Më shumë se 60 mjekë, përmes një letre drejtuar sekretarit të Brendshëm të Mbretërisë së Bashkuar, Priti Patel, kanë ngritur shqetësimin për gjendjen kritike të themeluesit të “WikiLeaks”, Julian Assange.

Ata shprehën se Assange duhet të marrë urgjentisht trajtim mjekësor, ose në rast të kundërt ekziston mundësia që ai të vdesë në burg.

Në letrën adresuar autoriteteve britanike, mjekët i shprehën “shqetësimet serioze” lidhur me shëndetin e Assange, para se ky i fundit të dalë në seancë gjyqësore. Ai ndodhet aktualisht i izoluar në një prej burgjeve të sigurisë së lartë në Britani të Madhe.

“Mendimi ynë që Z. Assange kërkon vlerësim urgjent të ekspertëve mjekësorë, si për gjendjen e tij fizike ashtu edhe atë psikologjike. Sikur të mos bëhej një vlerësim dhe trajtim i tillë urgjent, ne kemi shqetësime të vërteta, mbi provat që janë aktualisht të disponueshme, që z. Assange mund të vdesë në burg. Situata mjekësore është urgjente. Nuk ka kohë për të humbur”, shkruajnë mjekët nga Britania e Madhe, Australia, Evropa dhe Sri Lanka.


Kthehu
WhatsApp Denonco ne TT