Politikë

Artikulli i gazetës gjermane, Gjylameti: Opozita paguan për të nxirë imazhin e Shqipërisë

               Publikuar në : 17:37 - 15/05/19 Enno

Deputetja socialiste, Blerina Gjylameti ka reaguar pas artikullit botuar ditën e djeshme nga gazeta gjermane “Bild”, ku thuhej se Shqipëria udhëhiqet nga kriminelë dhe gangsterë.

Përmes një deklarate për mediat, Gjylameti u shpreh se artikulli është sponsorizuar nga opozita jo parlamentare, teksa thekson se ata paguajnë para për të nxirë imazhin e Shqipërisë.

“Ata që paguajnë para për të nxirë imazhin e Shqipërisë në Botë, për të goditur ekonominë dhe turizmin, sot dalin dhe rrahin gjoksin krenarë për zullumet që i bëjnë Shqipërisë. Është e vërtetë, artikuj si ai i djeshmi në gazetën gjermane, i bëjnë dëm imazhit të vendit jashtë”, deklaroi Gjylameti.

Deklarata e plotë:
“Ata që paguajnë para për të nxirë imazhin e Shqipërisë në Botë, për të goditur ekonominë dhe turizmin, sot dalin dhe rrahin gjoksin krenarë për zullumet që i bëjnë Shqipërisë. Është e vërtetë, artikuj si ai i djeshmi në gazetën gjermane, i bëjnë dëm imazhit të vendit jashtë.
Në Shqiperi, askush nuk beson vërtetësinë e një artikulli ku deshmitarë janë një ish minister i opozitës dhe një gazetar i oborrit të opozitës. Fatkeqësisht, prej parave të pista, të ardhura nga vende të huaja (dhe kjo pistë është nën hetim serioz), përfaqësues të opozites duan thjesht dhe vetëm të botojnë në media ndërkombëtare baltën dhe shpifjen që recitojnë cdo ditë në Shqipëri. Kjo është strategjia e opozitës, e cila pa vizion dhe program për të ardhmen do vetëm të djegë e të shkrumbojë të tashmen.”

Kthehu
WhatsApp Denonco ne TT