Autoriteti Rrugor Shqiptar (ARRSH), bëri me dije se ditën e nesërme më 15 korrik, do të fillojë ndërtimi/riparimi i trafik ndarëseve prej betoni, në aksin Tiranë-Elbasan. Këto punime do të kryhen në vijim të mirëmbajtjes së vazhdueshme.
Punimet do të sjellin një ngushtim të përkohshëm të karrexhatës për të dyja drejtimet e lëvizjes si Tiranë-Elbasan edhe anasjelltas.
ARRSH njofton se në bahskëpunim me Polciinë e Shtetit kanë marrë të gjitha masat e nevojshme për të mos penguar trafikun.
Njoftim për median dhe opinion publik
Në vijim të mirëmbajtjes së vazhdueshme, nesër, datë 15 korrik, ora 07:30 në aksin Tiranë-Elbasan do të fillojë ndërtimi/riparimi i trafik ndarëseve prej betoni (New Jersey). Punimet do të sjellin një ngushtim të përkohshëm të karrexhatës për të dyja drejtimet e lëvizjes si Tiranë-Elbasan edhe anasjelltas, nga km 10+100 (400 m pa shkuar te rrethrrotullimi i Ibës) dhe km 10+800 (pa shkuar te rrëshqitja e Ibës). Autoriteti Rrugor së bashku me kontraktorin dhe Policinë Rrugore kanë marrë të gjitha masat e nevojshme për të mos penguar trafikun. Kërkojmë mirëkuptimin e përdoruesve të rrugës, bizneseve dhe banorëve për këto punime që do të kryhen në rrugë.
