Kronikë

Anila Basha: Si mbërriti videoja në dorën e saj, çfarë ka në komisariatin e Shkodrës

               Publikuar në : 22:46 - 12/02/19 Enno

Gazetarja Anila Basha në studion e emisionit “Opinion” ka treguar historinë se si mbërriti në redaksinë e “Newsbomb” videoja e policit Berhan Bajrakurti. Basha tha se nga një profil i quajtur Marsela Malësorja ka mbërritur një mesazh që donin të denoconin diçka.

“E dija që ishte një profil i rremë, por në momentin që mua më erdhën tre video të policit vendosa ta publikoj”, tha Basha. Gazetarja  ka thënë se denoncuesi nuk ka dashur të identifikohet, duke thënë: “Nuk dua të bëhem si rasti i Kavajës”.

Gazetarja u shpreh se personi që e bënte denoncimin  e thoshte me siguri të plotë.

Dhe unë e pyeta: Zotëri, ju e dini që mund t’ju gjej dhe ky është një kallëzim i rremë dhe ju po denonconi një oficer policie?

Unë i marr të gjitha kostot përsipër dhe do iki nga Shqipëria sepse kjo konsiderohet një gjakmarrje- është përgjigjur denoncuesi.

“Në çdo lloj rasti polici ishte që ai ishte”, tha gazetarja.

Në lidhje me detaje mbi çështjen, gazetari Simon Shkreli tha se “nuk gjendet arsyeja pse u publikua kjo video”.

“Pse te News Bomb? Kush është kjo 15 vjeçare? Kam pyetur edhe në shkollën e Gruemirës dhe problemi qëndron këtu: as në komisariatin e Koplikut, as në komisariatin e Shkodrës nuk gjenden gjurmë. Në komisariatin e Shkodrës janë dy goca që marrin shënim çdo gjë dhe nuk gjenden gjurmë. Nuk ka asnjë gjurmë.”

Gazetari Shkreli tha se në komisariatin e Shkodrës, pavarësisht tentativave për të fshehur ose fshirë informacione, ajo rrjedh gjithsesi.

“Kam pyetur kolege të tij që s’kishin simpati për të. Ata thonin “nuk kemi denoncime për raste ndaj këtij personi në asnjë kohë.” Nuk ka denoncime për të në lidhje me këto raste. Për probleme seksuale nuk ka. As në shkollën e Gruemirës nuk ka një rast.”

Kthehu
WhatsApp Denonco ne TT