E premte, 23 Korrik, 2021
23.5 C
Tirana

Anemia, nga se ndodh?

Mjekët kanë pranuar prej kohësh se anemia nuk është aspak e lehtë të zbulohet.

Po pse?

Për shkak se simptomat e para të anemisë janë shumë të buta dhe mund të përzihen me simptomat e sëmundjeve tjera. Është shumë e rëndësishme që ta dini që anemia nuk është sëmundje, por gjendje e cila paralajmëron në ekzistimin e ndonjë sëmundjeje, ose çrregullimi në të ushqyer.

Për ata që janë më pak informuar, kur bëhet fjalë për aneminë, tejet të rëndësishme janë eritrocitet. Gjaku, në fakt, përbëhet nga rruazat e kuqe të gjakut – eritrocitet, rruazat e bardha të gjakut – leukocitet, pllakat e gjakut – trombocitet, të cilat qarkullojnë në sistemin e qarkullimit të gjakut.

Eritrocitet janë të rëndësishme, sepse e përmbajnë proteinën e kuqe të pasur me hekur, hemoglobinën, e cila e transferon oksigjenin nga mushkëritë deri te të gjithë muskujt dhe organet e organizmit tonë.

Personat anemikë kanë pak eritrocite, ndërsa numri i vogël i eritrociteve përmban edhe pak hemoglobinë, ndërsa si shkak i kësaj reduktohet rrjedhja e oksigjenit në tru, zemër dhe muskuj. Kur ndodh kjo njeriu ndien lodhje mendore dhe fizike.

Duke pasur parasysh se është reduktuar numri i eritrociteve, zemra punon më shpejt, në përpjekje që me rrjedhje më të shpejtë të gjakut ta kompensojë mungesën e oksigjenit në gjakun e varfër sa u përket eritrociteve.

Shkaktarët e anemisë mund të jenë të shumëfishtë, humbja e gjakut për shkak të sëmundjeve të veshkave, nyjeve, organeve për formimin e gjakut…

Fajtore janë edhe ilaçet

Aneminë mund ta shkaktojnë edhe efektet e padëshirueshme të disa llojeve të ilaçeve, ushqimi i varfër, të cilit i mungojnë vitaminat, e veçanërisht mineralet, më së shumti hekuri. Kur ndodh kjo, personi ndihet sikur ta ketë shkelur treni. Nuk ka fuqi jetësore dhe investon shumë mund për t’i kryer madje edhe obligimet më të thjeshta të përditshme.

Simptomat e anemisë janë lodhja, përgjumja, marramendja, zbehja e lëkurës, mishit të dhëmbëve, thonjve dhe shuplakave, puna e shpejtuar e zemrës, ndjenja e të ftohurit, veçanërisht të ekstremiteteve, pikëllimi, depresioni, çrregullimi i gjumit dhe humbja e oreksit.

Për shkak se simptomat mund të përzihen lehtë me simptomat e sëmundjeve të tjera, është e rëndësishme që të bëhet analiza e gjakut.

Kurrë mos e konsumoni hekurin me qumësht

Shmangeni konsumimin e hekurit me qumësht, sepse kalciumi parandalon absorbimin e tij. Është më mirë ta pini me lëng të pasur me vitaminë C, do të absorbohet më lehtë. Hekuri mund të shkaktojë konstipacion ose diarre, konsultohuni me mjekun.

Nga se shkaktohet Anemia?

Nuk ka një përgjigje përfundimtare lidhur me shkkatarët, megjithatë ka disa lloje diagnostikimesh.

1-Anemia si pasojë e humbjes së gjakut

2-Anemia e shkaktuar për shkak të prodhimit të pamjaftueshëm ose të parregullt të qelizave të kuqe të gjakut

3-Anemia e shkaktuar nga shkatërrimi i qelizave të kuqe të gjakut

 

Anemia si pasojë e humbjes së gjakut

Qelizat e kuqe të gjakut mund të humben përmes gjakderdhjes, që mund të ndodhë ngadalë gjatë një periudhe të gjatë dhe mund të kalojë e pavërejtur. Kjo lloj gjakderdhje kronike (e vazhdueshme) zakonisht vjen si pasojë e: sëmundjeve gastrointestinale si ulcera, hemorroidet, gastriti dhe kanceri dhe përdorimi i barnave antiinflamatore, si aspirina ose ibuprofeni, gjakderdhjet menstruale ose të lindjes te femrat, veçanërisht nëse gjakderdhjet menstruale janë të zgjatura dhe nëse ka shtatzëni të shumëfishtë.

Anemia e shkaktuar nga mos prodhimi i duhur i qelizave të kuqe

Trupi mund të prodhojë vetëm pak qeliza të gjakut ose qelizat e gjakut të prodhuara të mos funksionojnë në mënyrë korrekte. Në të dyja rastet mund të paraqitet anemia. Qelizat e kuqe të gjakut mund të jenë me të meta (jo të pjekura) ose të pakta për shkak të pranisë së qelizave të kuqe anormale ose mungesës së mineraleve dhe vitaminave të nevojshme që qelizat e kuqe të gjakut të punojnë në mënyrë të rregullt.

Në këto raste kemi këto lloj të anemive:

anemia për shkak të qelizave në formë drapri

anemia për shkak të mungesës së hekurt

anemia për shkak të mungesës së vitaminave

anemia si pasojë e problemeve me palcën e kockave dhe qelizën amë (qeliza prej të cilës krijohen të gjitha qelizat tjera) probleme të tjera shëndetësore.

Anemia hemolitike

Kjo lloj anemie zhvillohet kur qelizat e kuqe shkatërrohen më shpejt se sa palca kockore i krijon ato. Janë disa sëmundje të caktuara të cilat mund të shkaktojnë një shkatërrim të rritur të qelizave të kuqe. Anemia hemolitike mund ët jetë e trashëguar ose mund të fitohet gjatë jetës.

Anemia me qeliza në formë drapri

Kjo është një sëmundje e trashëguar dhe shpesh serioze, e shkaktuar nga forma të parregullta të hemoglobinës të cilat detyrojnë qelizat e kuqe të gjakut të marrin një formë gjysmë-hënore (drapri). Këto forma të parregullta të qelizave të kuqe vdesin para kohe, duke rezultuar në zvogëlim të qelizave të kuqe të gjakut

 

- Reklama -

Më shumë nga kategoria




Të fundit

Çfarë e bën ndryshe lidershipin e mandatit të tretë të PS

Nga Alfred Peza Edi Rama kishte premtuar që në fushatën elektorale të zgjedhjeve të 23 Qershorit 2013, që e riktheu PS në pushtet, se nuk...

Me drogë në makinë, shoqërohet në polici djali i Azem Hajdarit

Azem Hajdari, djali i vogël i deputetit të ndjerë me të njëjtin emër, është shoqëruar në komisariatin e Policisë së Elbasanit mbrëmjen e sotme. Sipas...

Punonjësit e Ferrokromit në Burrel pa pension, VKM nuk përcakton profesionet

Punonjësit e Ferrokromit në Burrel ankohen në Fiks Fare se nuk po mundet të zgjidhin problemin që kanë hasur me pensionin. Duke u cilësuar si...

Zyrtare/ Barcelona dhe Juventus përballen më 8 gusht në ”Camp Nou”

Barcelona dhe Juventusi do të zhvillojnë një ndeshje miqësore në datën 8 gusht. Lajmi është konfirmuar nga klubi italian, përmes një njoftimi në rrjetet...

Shtatorja e Sali Butkës/ Hajdari: Vështirësi në finalizimin e projektit

Kryeinspektori i Përgjithshëm, Shkëlqim Hajdari teksa ka folur për përurimin e shtatores së patriotit të madh shqiptar, Sali Butka, është shprehur se finalizimi i...