Kryesore

Aktorja e madhe Margarita Xhepa në gjendje të vështirë shëndetësore

               Publikuar në : 08:56 - 12/03/19 S.N

Aktorja e madhe Margarita Xhepa ndodhet n gjendje jo të mirë shëndetësore. E kontaktuar nga Shqiptarja.com për një intervistë, aktorja 87-vjeçare tha se të premten do t’i nënshtrohet një operacioni të vështirë në këmbë.

“Sot mora analizat e gjakut, sepse jam në pritje të operacionit. Jam shumë sëmurë, nuk eci dot dhe nuk lë dot takim për intervistë”, u përgjigj aktorja e madhe Margarita Xhepa.

Megjithëse në gjendje të rënduar, Margarita Xhepa, e njohur për natyrën e saj si grua shumë kurajoze dhe optimiste, u shpreh se “Të premten do të hyj në operacion dhe do Zoti e kaloj me sukses. E pastaj mund të jem në gjendje të flas edhe me ju”.

Pesë vite më parë, aktorja e madhe Margarita Xhepa ka bërë dhe një tjetër operacion në këmbë në shtetin grek, ku pati përmirësime në shëndetin e saj. Mirëpo duke qenë përherë në lëvizje, aktive dhe e përkushtuar në aktivitetet sociale dhe kulturore, si brenda dhe jashtë vendit, aktores kanë nisur t’i shfaqen probleme edhe me këmbën tjetër.

Kthehu
WhatsApp Denonco ne TT