Politikë

Akti i fundit i Metës? Rama nga Divjaka: E kuptuam ku fle lepuri

               Publikuar në : 19:07 - 12/06/19 Enno

Kryeministri Edi Rama pavarësisht se presidenti Ilir Meta ka anuluar datën e zgjedhjeve që ishte përcaktuar me 30 qershor ka vazhduar fushatën elektorale. Ditën e enjte në parlament socialistët kanë vendosur se do të mbajnë një seancë ku do të diskutohet gjatë për të shkarkuar presidentin Meta.

I pranishëm në Divjakë, Rama tha se akti i fundit i Metës, sipas tij, zbardhi plotësisht planin dhe tregoi se ku fle tamam lepuri.

“Do të kishim dëshiruar që këtë fushatë ta kishim garë me kundërshtarët tanë për të parë idetë dhe kandidatët më të mirë, por fatkeqësisht nuk ka ndodhur kështu, pasi kanë kapitulluar para se të fillojë ndeshja. Nuk përballen dot me ne në zgjedhje, kanë frikë nga gjykimi i njerëzve dhe të maten me ne duke bërë atë që politika duhet të bëjë dhe jo duke sharë dhe shpifur dhe kërcënuar.

Frika nga zgjedhjet dhe tmerri nga reforma në drejtësi dhe paniku ka bërë që të kthehen në një front kundër çeljes së negociatave. Nesër do të flasim më shumë, por akti i fundit i Metës e ka zbardhur plotësisht planin dhe na ka dhënë të kuptojmë se ku fle tamam lepuri. Sigurisht që ne kemi bërë shumë por në asnjë mënyrë sa do të donim” tha Rama.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT