Gazetari i njohur, Mentor Kikia shprehet se aktakuzat nga Gjykata e Hagës për Thaçin pak para takimit në Uashington ishin një lëvizje e qëllimshme.
I ftuar në emisionin “Mbrëmja në Abc”, Kikia e cilësoi këtë veprim si një akt të pastër diplomatik nga ana e Brukselit, për të minuar një procesin e ndërmjetësimit si ai që do të ndodhte në SHBA.
“Më rëndë nuk ka ku shkon si akuzë. Unë besoj që në aspekti ligjor ky është fundi i gjykatës së Hagës…është shndërruar në një seksion përmbarimor të politikës së jashtë të Brukselit,” u shpreh gazetari. Publikimi i kësaj akuze në një kohë kur anëtarët e delegacionit ishin rrugës për në Shtëpinë e Bardhë është një akt i pastër diplomatik i një gjykate që dihet që menaxhohet dhe financohet nga BE, për të minuar një proces të rëndësishëm që ishte menaxhuar deri më tani nga evropianët”, tha ai.
Kikia theksoi se kjo është një përpjekje për të mos lejuar zhvillimin e seancës në Uashington. Sipas gazetarit, sado që mund të ndodhin “incidente” të tilla, historia nuk mund të zhbëhet.
“Sado që mund të ketë incidente, të këtij tipi, historia nuk mund të zhbëhet. Haga ka pasur gjithë këtë kohë në dispozicion për t’i vënë kapakun çështjes, ka pasur kohë 20 vite për t’i vërtetuar akuzat, por ne jemi shumë të qartë sesi Haga u përdor deri në ditën e fundit për të larguar Hardinajn se nuk po pranonte rekomandimet e ndërkombëtareve… të shohim nëse akuzat do vërtetohen apo thjesht çështja do pushohet pasi Thaçi ta pasojë dorëheqjen nga Uashingtoni me dorëheqje te tjera”, shtoi ai.
