E diel, 16 Janar, 2022
10.5 C
Tirana

A duhet mbajtur maska në ambiente të hapura? Eksperti Dasho: Vetëm në 2-3 rrugë në Tiranë dhe Durrës

Eksperti i Shëndetit Publik, Erion Dasho, ka kritikuar vendimin e fundit të qeverisë për mbajtjen e maskave edhe në ambiente të hapura. Duke ia faturuar fajin qeverisë lidhur me një masë e cila është e pabazuar në evidenca shkencore, Dasho rendit pasojat ekonomike që po hasin qytetarët.

I lodhur nga kjo situatë, ai shprehet në komentin e tij se deri më tani qeveria ka hequr dorë nga çdo përgjegjësi, dhe se qytetari është ai që vuan. Shqiptarët po përballen me faturën e testimit, madje me një kosto 100 euro për test, nga më të lartat në botë.

Qytetarët po kështu po përballojnë vetë koston e trajtimit në shtëpi, që përllogaritet nga qindra deri mijëra euro për pacient. Po kështu, qytetari ka blerë deri edhe pajisjet CPAP dhe BiPAP për familjarët e shtruar në spital.

Sipas tij, duhen parë rrugë të tjera të cilat nuk kanë kosto të lartë për shqiptarët. Ai thotë se mbajtja e maskave në mjedise të hapura, mund të ketë rol vetëm në 2 ose 3 rrugë në Tiranë dhe Durrës, madje edhe aty mund të zgjidhet fare mirë me metoda të tjera.

Në fund ai e mbyll me një këshillë ndaj shtetit. ‘Para se të vendosen gjoba për mosmbajtjen e maskës në rrugë, ka dhjetëra masa me efektivitet të provuar tashmë në vendet ku epidemia kontrollohet me veprime dhe jo me propagandë’.

Statusi

PËRÇARTJET E VJESHTËS

Ligji për mbajtjen e maskave në rrugë nuk solli asgjë të re në përafrimin e çoroditur shqiptar ndaj kontrollit të COVID-19.

Është po e njëjta tendencë ku qeveria i lë barrën qytetarit dhe vetë heq dorë nga çdo përgjegjësi.

  1. Qytetari është ai që përballon faturën e testimit madje me një kosto 100 euro për test, nga më të lartat në botë.
  2. Qytetari përballon koston e trajtimit në shtëpi që përllogaritet nga qindra deri mijëra euro për pacient.
  3. Qytetari ka blerë deri edhe pajisjet CPAP dhe BiPAP për familjarët e shtruar në spital.
  4. Qytetari ka përballuar vetë kostot ekonomike nga humbja e të ardhurave dhe vendeve të punës.
  5. Qytetari (prindi) po paguan jo vetëm për detergjentët dhe maskat, por deri edhe për testimin e mësuesve në shkolla e kopshte.

Sot, qytetarit i vendoset në shpinë një barrë e kotë, e pabazuar në evidenca shkencore dhe, me aq sa dimë deri sot, pa asnjë rol në kufizimin e përhapjes së virusit.

Mbajtja e maskave në mjedise të hapura mund të ketë rol vetëm në 2 ose 3 rrugë në Tiranë dhe Durrës, madje edhe aty mund të zgjidhet fare mirë me metoda të tjera.

A duhet mbajtur maska kur del për shëtitje në park, në breg të detit apo në mal?!

A duhet mbajtur maska nga fermerët që jetojnë në fshatra gjysmë të braktisur ku banorët i merr malli të shohin dikë të kalojë në rrugë?!

A duhet mbajtur maska në një qytet ku nuk ka transmetim aktiv të COVID?!

Këto janë analizat që duhet të bëjë komiteti dhe jo të vulosë përçartjet e vjeshtës së një administrate që deri tani ka bërë vetëm gafa!

Para se të vendosen gjoba për mosmbajtjen e maskës në rrugë, ka dhjetëra masa me efektivitet të provuar tashmë në vendet ku epidemia kontrollohet me veprime dhe jo me propagandë.

Stina e virozave ka nisur!

Nuk ka asnjë ditë kohë për t’u humbur!

PËRÇARTJET E VJESHTËSLigji për mbajtjen e maskave në rrugë nuk solli asgjë të re në përafrimin e çoroditur shqiptar…

Publiée par Erion Dasho sur Lundi 12 octobre 2020

- Reklama -

Më shumë nga kategoria




Të fundit

Shuhet legjenda e futbollit shkodran, e mundi sëmundja

Një sëmundje e rëndë ka mposhtur legjendën e futbollit shkodran, Ramazan Rragami, i cili u shua në moshën 77-vjeçare. Rragami vuante prej vitesh nga një...

Falsifikimi i dokumenteve/Gjykata liron nga burgu vëllain e Sheila Haxhiraj

DVP Lezhë në bashkëpunim me DVP Tiranë dhe atë të Elbasanit, finalizuan operacionin “Identiteti”. Nga finalizimi i operacionit, pas tre muajsh hetime, u zbulua...

Misteri afrikan: Pse C*vid-19 ka shkaktuar më pak vdekje se kudo tjetër?

Nga: Federico Giuliani “Il Giornale Është një kontinent i madh, rreth 7 herë më i madh sesa Bashkimi Evropian, dhe i banuar nga pothuajse 1.5 miliardë...

“Basha është pronar i basteve”/PD ia kthen Berishës: Mashtrues kronik!

Partia Demokratike ka përgënjeshtruar akuzat e ish-kryeministrit Berisha, ku tha se kryedemokati Basha është pronar i basteve. Shigjetimet e Berishës ndaj Bashës erdhën nga...

Zgjedhjet lokale, kurthi pervers i Metës për Bashën

Nga: Andi Bushati Pak kohë përpara se Gjykata Kushtetuese të vendosë nëse Presidenti i Republikës e ka tejkaluar rolin e tij për të qënduar mbi...