Deputetja demokrate Rudina Hajdari ka deklaruar se lidhjen me të djathtën e ka në gen, duke qenë se ajo është vajza e ish-deputetit të ndjerë, Azem Hajdari. E ftuar në emisionin Repolitix në Report Tv, përballë gazetarit Denis Minga, ajo ka dhënë një përgjigje nëse do të mund ta shohim në krye të një partie të re. Me mjaft diplomaci, kryetarja e grupit parlamentar demokrat ka deklaruar se do i përkasë gjithmonë të djathtës shqiptare.
“E ndjej veten pjesë të së djathtës shqiptare, dhe e quaj veten si demokrate e lindur e tillë, dhe do vazhdoj të jem demokrate. Dhe nuk mund të më shkëpusë njeri nga kjo lidhje gjenetike që kam dhe mënyrën se si jam rritur në lidhje me parimet se çfarë e djathta përfaqëson. Do vijoj të kem parime të djathta”, u shpreh ajo.
