Policia e Laçit ka identifikuar dy atentatorët që dyshohet se kanë ekzekutuar biznesmenin Rakip Rroli në Sanxhak të Laçit. Të shpallurit në kërkim nga policia janë Skënder Lika dhe djali i tij. Hetimet janë përqendruar në konfliktet që mund të kenë pasur djemtë e biznesmenit Rakip Rroli në qytetin e Laçit.
55-vjeçari Rakip Rroli është ekzekutuar me breshëri plumbash nga dy persona të cilët në momentin kur kanë kryer krimin, ishin duke lëvizur në këmbë.
Biznesmeni i materialeve të ndërtimit po lëvizte me makinë luksoze tip “Audi Q7” në momentin që është qëlluar për vdekje. Hetimet janë përqendruar në konfliktet që mund të kenë pasur dy djemtë e biznesmenit Rakip Rroli. Emiljano dhe Isuf Rroli, mësohet se janë hetuar për “trafik droge” në vitin 2017.
