Gjykata e Shkodrës ka lënë në burg Gjekson Pusin, shoferin që transportoi Viktor Markun pas ekzekutimit të Hekuran Billës, më 11 qershor pranë qendrës ‘Kristal’ në Tiranë. Ai njihet si shok i ngushtë i Viktor Markut.
Lidhur me atentatin ndaj Hekuran Billës, Pusi dyshohet se ka marrë me makinë autorin Viktor Marku, pasi dogjën automjetin me të cilin u krye vrasja.
Për këtë ngjarje, gjykata ka lënë në burg Viktor Markun dhe nipin e tij Sebastian Mali, si dhe ish të dashurën e këtij të fundit Adjola Lakra, e cila dyshohet se u përdor si karrem për të nxjerrë në pritë viktimën.
