Programi më i ndjekur i së dielës, “Portokalli”, pritet që të zhvendoset në sezonin e ri në “Abc News”. Burime për “Juda.al” thonë se aktorët janë ofruar në televizione të tjera, për të nisur një tjetër program, ndoshta me emrin “Mandarina”.
Pak kohë më parë, një nga aktorët e mbetur në këtë program, Gaz Paja, tha në një intervistë në “Vizion Plus” se është i hapur për t’u larguar.
Burime për “Juda.al” theksojnë se “Portokalli”-a në shtator transferohet tek “Abc News”. Nuk dihet nëse shkojnë me të njëjtin emër apo jo, por mendohet ta ndryshojnë në “Mandarinat”. Regjisori Altin Basha është parë në ambientet e “Abc News”.
Aktorët akoma nuk janë kontaktuar për këtë punë, dhe mesa duket nuk do ftohen të gjithë te shkojnë. Mbetet për tu parë se kush do të jetë lëvizja finale.
“Portokalli”-a startoi 17 vjet më parë, duke mbajtur të mbërthyer audiencën para ekranit. Një program humoristik, që ngriti peshë edhe “Top Channel”. Aktorët dhe producentët e shihnin shumë të lidhur “Portokalli”-në me emrin e themeluesit të TCH, Dritan Hoxha.
