Mesila Doda duket se nuk e ka harruar debatin e tensionuar muaj më parë me Baton Haxhiun. Në një intervistë për emisionin “Mos i fol Shoferit”, ajo ka lëshuar batutat e saj pikante, lidhur me këtë situatë.
Rudina Dembacaj duke marrë parasysh debatin e saj me Baton Haxhiun në studion e “Opinion” e ka pyetur: “Një kuksiane si Mesila Doda, a do e ftonte në një valle kuksi Baton Haxhiun?”.
Mesila nuk është kursyer duke thënë: “Ku e di vallen e kuksit ai? Ai të mësojë ndonjë valle andej, si quhen ato vallet andej, nga Beogradi ato po mund ti di”.
Në muajin maj, një përplasje e fortë ndodhi në emisionin ”Opinion” mes Mesila Dodës dhe analistit Baton Haxhiu.
Debati mes tyre nisi pasi Doda këmbëngulte se në darkën e Beogradit, ku kryeministri Rama ishte për vizitë, është hedhur si ide nga Ivica Daçiç shkëmbimi i territoreve.
Më pas, sipas saj ka pasur një takim kokë më kokë mes kryeministrit Rama dhe presidentit serb Aleksandër Vuçiç, ku është diskutuar për këtë çështje.
Por, ky skenar nuk është pranuar nga gazetari Baton Haxhiu, që tha se ishte prezent, dhe sipas tij Mesila Doda gënjente.
Kaq ka mjaftuar që Mesila Doda, ta ofendonte rëndë analistin e njohur.
https://www.youtube.com/watch?v=nZUv_gdhpns
