Studentët vazhdojnë të qëndrojnë të palëkundur nga vendimi dhe kërkojnë miratimin e tetë kërkesave që kanë hartuar. Nga ana tjetër kryeministri Edi Rama vazhdon të këmbëngulë për dialog, kur vazhdon dita e 11 e protestës.
Por duket se fjala ‘dialog’ vijon të përdoret në masë dhe nga qytetarët të ndryshëm si shprehi apo për humor. Kryeministri ka publikuar një foto në Instastory, ku një qytetarë kërkon një emër për djalin të fillojë me shkronjën ‘D’, ndërsa dikush komenton ‘Dialog’.
Rama ka përfituar nga kjo situatë dhe i ka bërë sërish apel studentëve që të pranojnë të bisedojnë me të për kërkesat e tyre.
“Po hë pra do flasim se po na bëhet Dialogu burrë?”, shkruan Rama në foton e postuar në Instastory.
