Shtetet arabe i kërkojnë Trump të tërheqë vendimin e tij për Jerusalemin.
Ministrat e jashtëm arabë, të shtunën vonë i kërkuan nga Shtetet e Bashkuara të Amerikës që të braktisnin vendimin e tyre për të njohur Jerusalemin si kryeqytetin e Izraelit, duke thënë se ky vendim do të rriste dhunën në të gjithë rajonin.
Njoftimi i Presidentit Donald Trump të mërkurën ishte një “shkelje e rrezikshme e së drejtës ndërkombëtare”, nuk kishte asnjë ndikim ligjor dhe ishte “i pavlefshëm”, tha Liga Arabe në një deklaratë pas një mbledhje ku morën pjesë të gjithë anëtarët e saj në Kajro.
“Vendimi nuk ka efekt ligjor… ai thellon tensionin, ndez zemërimin dhe kërcënon që rajoni të zhytet në më shumë dhunë dhe kaos”, tha Liga Arabe pas disa orëve të takimeve që filluan të shtunën në mbrëmje.
Po ashtu, Liga Arabe bëri me dije se do të kërkonte një rezolutë të Këshillit të Sigurimit të Kombeve të Bashkuara, që të kundërshtonte vendimin e SHBA.
Ministri i Jashtëm i Libanit, Gebran Bassil tha gjatë takimit urgjent që vendet arabe duhet të konsiderojnë vendosjen e sanksioneve ekonomike kundër Shteteve të Bashkuara për të parandaluar lëvizjen e ambasadës së Izraelit në Jerusalem nga Tel Avivi.
Ndërkohë, në deklaratën e Ligës Arabe nuk përmendeshin sanksionet ekonomike. TIRANA TODAY
