Arkipelagu portugez i Azoreve është në gadishmëri të lartë me afrimin e uraganit Ofelia, që pritet të shkaktojë shira të rrëmbyeshme ndërsa do të përshkojë brigjet e ishullit të Santa Marias përpara se të orientohet drejt Irlandës.
Shtatë nga nëntë ishujt e këtij arkipelagu që ndodhen në Atlantikun verior janë në gadishmëri të lartë në nivelin e kuq nga ana e mbrojtjes civile rajonale mes orës 18:00 dhe 24:00 (lokake dhe GMT), për shkak të shirave me intensitet të lartë rreth 40 milimetra në orë.
Popullsia lokale është njoftuar të kufizojë lëvizjet gjatë kalimit të uraganit i klasifikuar në kategorinë 2 ( nga shkalla më e lartë 5), që do të shkaktojë në këtë ishull stuhi me erëra të forta që i kalojnë 100 kilometra në orë, transmeton ata.
Rreth 17 njësitë zjarrfikëse të arkipelagut, me një popullsi rreth 245.000 banorë në total, janë në gadishmëri për të vepruar në rast nevoje, saktësoi për median një zëdhënëse e shërbimeve të emergjencave rajonale.
/v.b/
